അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.സിനിമാലോകത്ത് നിന്ന് ഒരു വർഷത്തേക്ക് ഇടവേളയെടുക്കാന്‍ ഒരുങ്ങി തെന്നിന്ത്യന്‍ താരം സാമന്ത. പുതിയ ചിത്രം ഖുശിയുടേയും ആമസോണ്‍ പ്രൈം വെബ് സീരീസായ സ്റ്റാഡെലിലിന്റേയും ഷൂട്ടിങ് പൂര്‍ത്തിയായതിനുശേഷമായിരിക്കും താരം ഇടവേളയെടുക്കുക. ആരോഗ്യം ശ്രദ്ധിക്കുന്നതിനുവേണ്ടിയാണ് താരം അഭിനയത്തില്‍ നിന്ന് മാറി നില്‍ക്കുന്നത്.
Read More: ‘ആദിപുരുഷ്’ തിയറ്ററുകളിൽ നിന്ന് പുറത്തേക്ക്
ഒരു വര്‍ഷം മുന്‍പാണ് സാമന്തയ്ക്ക് രോഗപ്രതിരോധശേഷി കുറക്കുന്ന അവസ്ഥയായ മയോസിറ്റീസ് സ്ഥിരീകരിച്ചത്. മാസങ്ങള്‍ നീണ്ട ചികിത്സയ്ക്ക് ശേഷം തിരിച്ചെത്തിയാണ് താരം ഖുശിയുടേയും സിറ്റാഡലിന്റേയും ഷൂട്ടിങ്ങില്‍ പ്രവേശിച്ചത്. എന്നാല്‍ ഷൂട്ടിങ്ങിനും പ്രമോഷന്‍ ചടങ്ങിന് ഇടയിലുമെല്ലാം താരത്തിന് ശാരീരിക ബുദ്ധിമുട്ടുകളുണ്ടായി. നേരത്തെ നിര്‍മാതാക്കളില്‍ നിന്ന് വാങ്ങിച്ച അഡ്വാന്‍സ് താരം തിരിച്ചുനല്‍കിയതായാണ് റിപ്പോര്‍ട്ടുകള്‍.
വിജയ് ദേവരക്കൊണ്ട നായകനായി എത്തുന്ന ഖുശിയുടെ ഷൂട്ടിങ് മൂന്ന് ദിവസത്തില്‍ പൂര്‍ത്തിയാകും. സിറ്റാഡല്‍ സീരീസിന്റെ ഷൂട്ടും അവസാന ഘട്ടത്തിലാണ്. ഇനി മറ്റ് സിനിമകളുടെ കരാറില്‍ താരം ഒപ്പുവെക്കില്ല. ചികിത്സ നടത്തി ആരോഗ്യം മെച്ചപ്പെടുത്താനാകും താരം ശ്രമിക്കുക എന്നാണ് താരത്തിന്റെ അടുത്ത വൃത്തങ്ങള്‍ വ്യക്തമാക്കിയത്.
അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു,
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ Anweshanam
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ ടെലിഗ്രാമിൽ അന്വേഷണം
