മ​ണി​പ്പൂ​ർ ക​ലാ​പം: ‘തട്ടിയെടുത്ത ആയുധങ്ങൾ ഇവിടെ നിക്ഷേപിക്കുക’; പെട്ടി സ്ഥാപിച്ച് ബിജെപി എംഎൽഎ

ഇം​ഫാ​ൽ:  മ​ണി​പ്പൂ​രി​ൽ പോ​ലീ​സ് സ്റ്റേ​ഷ​നു​ക​ളി​ൽ​നി​ന്നും ആ​യു​ധ​പ്പു​ര​ക​ളി​ൽ നി​ന്നും ത​ട്ടി​യെ​ടു​ത്ത ആ​യു​ധ​ങ്ങ​ൾ തി​രി​കെ നി​ക്ഷേ​പി​ക്കാ​ൻ പെ​ട്ടി സ്ഥാ​പി​ച്ച് ബി​ജെ​പി എം​എ​ൽ​എ. ഇം​ഫാ​ൽ ഈ​സ്റ്റ് ജി​ല്ല​യി​ലെ ബി​ജെ​പി എം​എ​ൽ​എ എ​ൽ. സു​സി​ന്ദ്രോ മെ​യ്തി​യാ​ണ് ത​ന്‍റെ വീ​ടി​നു മു​ന്നി​ൽ പെ​ട്ടി സ്ഥാ​പി​ച്ച​ത്.

‘തട്ടിയെടുത്ത ആയുധങ്ങൾ ഇവിടെ നിക്ഷേപിക്കുക, നിങ്ങളെ ആരും ചോദ്യം ചെയ്യുകയില്ല. നിങ്ങൾക്ക് ആയുധങ്ങൾ ഇവിടെ നിക്ഷേപിച്ചിട്ട് സധൈര്യം പോകാം. പേര് പോലും വെളിപ്പെടുത്തേണ്ടതില്ല’ – ബിജെപി എംഎൽഎ പെ​ട്ടി​യി​ൽ രേ​ഖ​പ്പെ​ടു​ത്തി.  ര​ണ്ട് ഓ​ട്ടോ​മാ​റ്റി​ക് റൈ​ഫി​ളു​ക​ളും ബു​ള്ള​റ്റു​ക​ളു​ടെ ബെ​ൽ​റ്റു​ക​ളും ഉ​ൾ​പ്പെ​ടെ ഏ​താ​നും ആ​യു​ധ​ങ്ങ​ൾ പെ​ട്ടി​യി​ൽ നി​ക്ഷേ​പി​ക്ക​പ്പെ​ട്ടി​ട്ടു​ണ്ട്.

Read more: ബ്രി​ജ്ഭൂ​ഷ​ണി​നെ​തി​രെ 15-നകം ന​ട​പ​ടി​യി​ല്ലെ​ങ്കി​ൽ ഏ​ഷ്യ​ൻ ഗെ​യിം​സി​ൽ പ​ങ്കെ​ടു​ക്കി​ല്ല: നിലപാട് കടുപ്പിച്ച് ഗു​സ്തി താരങ്ങൾ

പോ​ലീ​സ് സ്റ്റേ​ഷ​ൻ, മ​ണി​പ്പൂ​ർ റൈ​ഫി​ൾ​സ്, ഐ​ആ​ർ​ബി​എ​ൻ എ​ന്നി​വ​യു​ടെ ആ​യു​ധ​പ്പു​ര​ക​ൾ എ​ന്നി​വി​ട​ങ്ങ​ളി​ൽ​നി​ന്ന് നാ​ലാ​യ​രി​ത്തി​ലേ​റെ തോ​ക്കു​ക​ളും വെ​ടി​ക്കോ​പ്പു​ക​ളു​മാ​ണ് അ​ക്ര​മി​ക​ൾ കൊ​ള്ള​യ​ടി​ച്ച​ത്. എ​ന്നാ​ൽ പി​ന്നീ​ട് സ​ർ​ക്കാ​ർ അ​ഭ്യ​ർ​ഥ​ന​യെ​ത്തു​ട​ർ​ന്ന് ഇ​വ​യി​ൽ 900 ല​ധി​കം ആ​യു​ധ​ങ്ങ​ളും ആ​യി​ര​ക്ക​ണ​ക്കി​ന് വെ​ടി​യു​ണ്ട​ക​ളും സൈ​ന്യം ക​ണ്ടെ​ടു​ത്തി​രു​ന്നു. കാ​ടു​ക​ളി​ലും വി​ജ​ന​മാ​യ സ്ഥ​ല​ങ്ങ​ളി​ലു​മാ​ണ് ഇ​വ ഉ​പേ​ക്ഷി​ച്ച നി​ല​യി​ൽ ക​ണ്ടെ​ത്തി​യ​ത്.  

ഇം​ഫാ​ൽ താ​ഴ്‌​വ​ര ആ​സ്ഥാ​ന​മാ​യു​ള്ള സി​വി​ൽ സൊ​സൈ​റ്റി സം​ഘ​ട​ന​ക​ളു​ടെ കൂ​ട്ടാ​യ്മ​യാ​യ മ​ണി​പ്പൂ​ർ ഏ​കോ​പ​ന സ​മി​തി (COCOMI) ത​ട്ടി​യെ​ടു​ത്ത ആ​യു​ധ​ങ്ങ​ൾ തി​രി​കെ ന​ൽ​കാ​നു​ള്ള ആ​ഹ്വാ​നം ത​ള്ളി​യി​രു​ന്നു. മണിപ്പൂർ കലാപത്തിനു കാരണക്കാരായവരെ തുടച്ചുനീക്കി സമാധാനം സ്ഥാപിക്കാതെ ആയുധങ്ങൾ തിരികെ നൽകേണ്ടെന്നാണ് ഇവരുടെ നിലപാട്. 

അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു, 

നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ Anweshanam

നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ ടെലിഗ്രാമിൽ അന്വേഷണം