അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.മുംബൈ : ബോളിവുഡ് നടൻ ജാക്കി ഷ്റോഫിന്റെ ഭാര്യയും യുവനടൻ ടൈഗർ ഷ്റോഫിന്റെ മാതാവുമായ അയേഷ ഷ്റോഫിൽനിന്ന് 58 ലക്ഷം രൂപ തട്ടിയതായി പരാതി. ടൈഗർ ഷ്റോഫിന്റെയും സിനിമാ നിർമാതാവ് കൂടിയായ അയേഷയുടെയും പേരിലുള്ള എം.എം.എ മാട്രിക്സ് കമ്പനിയുടെ ഓപറേഷൻസ് ഡയറക്ടർ അലൻ ഫെർണാണ്ടസിനെതിരെയാണ് അയേഷ മുംബൈ സാന്റാക്രൂസ് പൊലീസ് സ്റ്റേഷനിൽ പരാതി നൽകിയത്. 2018 നവംബർ 20നാണ് ഇയാളെ ഡയറക്ടറായി നിയമിച്ചത്.
Read More:ലോകത്തിലെ മികച്ച നഗരങ്ങളുടെ പട്ടികയിൽ മൂന്നാം സ്ഥാനം ദുബായ്ക്ക്
എം.എം.എ മാട്രിക്സ് ജിമ്മിൽ ക്രമക്കേട് നടത്തി പണം തട്ടിയെന്നാണ് ആരോപണം. അലനായിരുന്നു ജിംനേഷ്യം നിയന്ത്രിച്ചിരുന്നത്. രാജ്യത്തിന്റെ വിവിധ ഭാഗങ്ങളിൽ മത്സരങ്ങൾ നടത്താനെന്ന പേരിൽ 2018 ഡിസംബർ മുതൽ 2023 ജനുവരി വരെയുള്ള കാലഘട്ടത്തിൽ കമ്പനി അക്കൗണ്ടിൽനിന്ന് 58,53,591 രൂപ തട്ടിയെന്നാണ് പരാതി. പൊലീസ് അന്വേഷണം ആരംഭിച്ചിട്ടുണ്ട്. 2015ൽ നടൻ സാഹിൽ ഖാനെതിരെയും അയേഷ തട്ടിപ്പിന് പരാതി നൽകിയിരുന്നു.
അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു,
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ Anweshanam
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ ടെലിഗ്രാമിൽ അന്വേഷണം
