ബ്രി​ജ് ഭൂ​ഷ​ണെ​തി​രെ ന​ൽ​കി​യ​ത് വ്യാ​ജ പ​രാ​തി, പിന്നിൽ പൂർവ വൈരാഗ്യം; വെ​ളി​പ്പെ​ടു​ത്ത​ലു​മാ​യി ഗു​സ്തി താ​ര​ത്തി​ന്‍റെ പി​താ​വ്

ന്യൂ​ഡ​ൽ​ഹി: ദേ​ശീ​യ ഗു​സ്തി ഫെ​ഡ​റേ​ഷ​ൻ പ്ര​സി​ഡ​ന്‍റ് ബ്രി​ജ് ഭൂ​ഷ​ണ്‍ ശ​ര​ണ്‍ സിം​ഗി​നെ​തി​രെ ന​ൽ​കി​യ​ത് വ്യാ​ജ പ​രാ​തി​യെ​ന്ന് ഗു​സ്തി താ​ര​ത്തി​ന്‍റെ പി​താ​വ്. ബ്രി​ജ് ഭൂ​ഷ​ണെ​തി​രെ പ​രാ​തി ന​ൽ​കി​യ പ്രാ​യ​പൂ​ർ​ത്തി​യാ​കാ​ത പെ​ണ്‍​കു​ട്ടി​യു​ടെ പി​താ​വാ​ണ് ഇ​ക്കാ​ര്യം വെ​ളി​പ്പെ​ടു​ത്തി​യ​ത്. പൂർവ വൈരാഗ്യത്തെ തുടർന്നാണ് വ്യാജ പരാതി നൽകിയതെന്ന് ഇയാൾ വെളിപ്പെടുത്തി. വാർത്ത ഏജൻസിയായ പിടിഐയോടാണ് പ്രതികരണം.

ഇ​ന്ത്യ​ൻ ടീ​മി​ൽ സെ​ല​ക്ഷ​ൻ കി​ട്ടാ​ത്ത​തി​ൽ വി​രോ​ധ​മു​ണ്ടാ​യി​രു​ന്നു. ഇ​തി​ൽ പ്ര​തി​കാ​രം ചെ​യ്യു​ക എ​ന്ന ല​ക്ഷ്യ​ത്തോ​ടെ​യാ​ണ് പ​രാ​തി ന​ൽ​കി​യ​ത്. കേ​സ് കോ​ട​തി​യി​ൽ എ​ത്തും മു​ൻ​പ് തെ​റ്റ് തി​രു​ത്തു​ന്നു​വെ​ന്നും പി​താ​വ് പ​റ​ഞ്ഞു.

Read more: മാവേലിക്കരയില്‍ നാല് വയസുകാരിയെ കൊലപ്പെടുത്തിയ സംഭവം; പിതാവ് ജയിലിൽ ആത്മഹത്യക്ക് ശ്രമിച്ചു

ഏഷ്യൻ അണ്ടർ 17 ചാമ്പ്യൻഷിപ്പ് ട്രയൽസിൽ മകൾക്ക് യോഗ്യത ലഭിക്കാത്തതിൽ അന്വേഷണം നടത്തുമെന്ന് സർക്കാർ ഉറപ്പ് നൽകി. അതിനാലാണ് വ്യാജ പരാതി എന്ന് വെളിപ്പെടുത്തുന്നത് എന്നും പിതാവ് പറഞ്ഞു.

ക​ഴി​ഞ്ഞ ദി​വ​സം ഗു​സ്തി താ​ര​ങ്ങ​ൾ കേ​ന്ദ്ര​കാ​യി​ക മ​ന്ത്രി അ​നു​രാ​ഗ് ഠാ​ക്കൂ​റു​മാ​യി ന​ട​ത്തി​യ ച​ർ​ച്ച​യി​ൽ ജൂ​ണ്‍ 15ന​കം ബ്രി​ജ് ഭൂ​ഷ​ണെ​തി​രെ ന​ട​പ​ടി ഉ​ണ്ടാ​കു​മെ​ന്ന് ഉ​റ​പ്പു ന​ൽ​കി​യി​രു​ന്നു. ഇ​തി​നു പി​ന്നാ​ലെ ഗു​സ്തി താ​ര​ങ്ങ​ൾ സ​മ​രം ത​ത്കാ​ല​ത്തേ​ക്കു പി​ൻ​വ​ലി​ച്ചി​രു​ന്നു. പ്രതിഷേധം അവസാനിപ്പിച്ചിട്ടില്ലെന്നും ജൂൺ 15 നുള്ളിൽ തീരുമാനം ഉണ്ടായില്ലെങ്കിൽ സമരം തുടരുമെന്നും സാക്ഷി മാലിക് പ്രതികരിച്ചു. വിഷയം കർഷക നേതാക്കളുമായിട്ട് ചർച്ച ചെയ്യുമെന്നും സാക്ഷി മാലിക് കൂട്ടിച്ചേർത്തു.
 
അതേസമയം പു​തി​യ വെ​ളി​പ്പെ​ടു​ത്ത​ലി​ന്‍റെ പ​ശ്ചാ​ത്ത​ല​ത്തി​ൽ ബ്രി​ജ് ഭൂ​ഷ​ണ്‍ ശ​ര​ണ്‍ സിം​ഗി​ന്‍റെ അ​റ​സ്റ്റു വൈ​കു​മെ​ന്നാ​ണ് റി​പ്പോ​ർ​ട്ട്. കേ​സ് കൂ​ടുത​ൽ ദു​ർ​ബ​ല​മാ​കാ​നും സാ​ധ്യ​ത​യു​ണ്ട്.

അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു, 

നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ Anweshanam

നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ ടെലിഗ്രാമിൽ അന്വേഷണം