അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.പ്രതിധ്വനി, ഐ ടി ജീവനക്കാരുടെ കുട്ടികൾക്കായി ഒരുക്കിയ കളിതമാശകൾ നിറഞ്ഞ, അവരുടെ സാഹിത്യാഭിരുചികളെയും സർഗ്ഗത്മകതയെയും പ്രോത്സാഹിപ്പിക്കുന്ന അവധിക്കാല പരിപാടി – കളിമുറ്റം 2023 സമാപിച്ചു. അവധിക്കാല ക്യാംപ് ഞായറാഴ്ച്ച, 2023 മേയ് 28ന് ടെക്നോപാർക്ക് ക്യാമ്പസിനകത്തുള്ള ടെക്നോപാർക് ക്ലബ്ബിൽ വച്ചു ഐ ടി ജീവനക്കാരനായ ശ്രീ പ്രീതിന്റെ ‘മാജിക്‌ ഓഫ് സൈലെൻസ്’ എന്ന പരിപാടിയോടു കൂടിയാണ് ആരംഭിച്ചത്.
3 തലങ്ങളിൽ പ്രീ – സ്കൂൾ, ലോവർ പ്രൈമറി & അപ്പർ പ്രൈമറി , 2 ഭാഷകളിൽ (മലയാളം,ഇംഗ്ലീഷ്) ആയിട്ടാണ് വിവിധ മത്സരങ്ങൾ നടത്തിയത്. നഴ്സറി പാട്ടുകൾ, കഥ പറച്ചിൽ, ക്യാപ്‌ഷൻ റൈറ്റിംഗ്, പെയിന്റിംഗ്, കളറിങ്ങ്, ഡ്രോയിങ്ങ്, പദ്യപാരായണം എന്നിവ വിവിധ സ്റ്റേജുകളിൽ അരങ്ങേറി.
പ്രശസ്ത നടൻ ശ്രീ പ്രേംകുമാർ വൈകുന്നേരം 3:30 നു എല്ലാ കുട്ടികൾക്കും സർട്ടിഫിക്കറ്റുകളും സമ്മാനങ്ങളും വിതരണം ചെയ്തു. പ്രധാന സ്പോൺസർ ആയ ആപ്പ്സ്റ്റേഷൻ HR മാനേജർ ലാവണ്യ മഹാദേവനും ചടങ്ങിൽ പങ്കെടുത്തു. സാഹിത്യ ക്ലബ്ബിന്റെ കൺവീനർ ആയ നെസിൻ ശ്രീകുമാർ അധ്യക്ഷനായ ചടങ്ങിൽ അഞ്ചു ഡേവിഡ്(കളിമുറ്റം 2023 – കൺവീനർ) സ്വാഗതവും സുജിത സുകുമാരൻ( കളിമുറ്റം 2023 – ജോയിന്റ് കൺവീനർ) നന്ദിയും പറഞ്ഞു.
അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു
