മ​ണി​പ്പൂ​രി​ൽ 40 പേരെ സു​ര​ക്ഷാ​സേ​ന വെടിവച്ചു കൊന്നു; തീവ്രവാദികളെന്ന് മു​ഖ്യ​മ​ന്ത്രി ബിരേന്‍ സിങ്

ഇം​ഫാ​ൽ: ക​ലാ​പ​മു​ണ്ടാ​ക്കാ​ൻ ശ്ര​മി​ച്ച 40 ഭീ​ക​ര​രെ സു​ര​ക്ഷാ​സേ​ന വ​ധി​ച്ച​താ​യി മ​ണി​പ്പൂ​ർ മു​ഖ്യ​മ​ന്ത്രി ബി​രേ​ൻ സിം​ഗ് അ​റി​യി​ച്ചു. സു​ര​ക്ഷാ​സേ​ന​യ്ക്ക് നേ​ർ​ക്കും പൊ​തു​ജ​ന​ത്തി​ന് നേ​രെ​യും ആ​ക്ര​മ​ണം ന​ട​ത്താ​നൊ​രു​ങ്ങി​യ​വ​രാ​ണ് കൊ​ല്ല​പ്പെ​ട്ട​തെ​ന്ന് മു​ഖ്യ​മ​ന്ത്രി വാ​ർ​ത്താ​സ​മ്മേ​ള​ന​ത്തി​ൽ വ്യ​ക്ത​മാ​ക്കി. ജ​ന​ങ്ങ​ളു​ടെ വീ​ടു​ക​ൾ തീ​വ​ച്ച് ന​ശി​പ്പി​ക്കാ​നാ​യി ഓ​ട്ടോ​മാ​റ്റി​ക് തോ​ക്കു​ക​ളു​മാ​യി എ​ത്തി​യ​വ​രെ സു​ര​ക്ഷാ​സേ​ന വെ​ടി​വ​ച്ച് വീ​ഴ്ത്തു​ക​യാ​യി​രു​ന്നു​വെ​ന്ന് സിം​ഗ് കൂ​ട്ടി​ച്ചേ​ർ​ത്തു.
 
തീവ്രവാദികള്‍ എം- 16, എ.കെ- 47 തോക്കുകളും സ്‌നിപ്പര്‍ ഗണ്ണുകളും ഉപയോഗിച്ചാണ് സാധാരണക്കാര്‍ക്കെതിരെ ആക്രമണം നടത്തുന്നതെന്ന് ബിരേന്‍ സിങ് പറഞ്ഞു. വിവിധ ഗ്രാമങ്ങളിലേക്ക് വീടുകള്‍ക്ക് തീവെക്കുന്നു. സൈന്യത്തിന്റേയും മറ്റ് സുരക്ഷാസേനകളുടേയും സഹായത്തോടെ ഇവര്‍ക്കെതിരെ തങ്ങള്‍ കടുത്ത നടപടി ആരംഭിച്ചു.  

‘നിരായുധരായ സാധാരണക്കാര്‍ക്ക് നേരെ തീവ്രവാദികള്‍ വെടിവെക്കുന്നു. മണിപ്പൂരിനെ ഭിന്നിപ്പിക്കാന്‍ ശ്രമിക്കുന്ന ആയുധധാരികളായ തീവ്രവാദികളും കേന്ദ്രത്തിന്റെ സഹായത്തോടെ സംസ്ഥാനവും തമ്മിലാണ് ഇപ്പോള്‍ ഏറ്റുമുട്ടല്‍ നടക്കുന്നത്’, മുഖ്യമന്ത്രി അവകാശപ്പെട്ടു.

ഇ​തി​നി​ടെ, സം​സ്ഥാ​ന​ത്തി​ന്‍റെ വി​വി​ധ ഭാ​ഗ​ങ്ങ​ളി​ൽ വീ​ണ്ടും സം​ഘ​ർ​ഷം പൊ​ട്ടി​പ്പു​റ​പ്പെ​ട്ടു. ഇ​ന്ന് പു​ല​ർ​ച്ചെ ര​ണ്ടി​ന് കും​ബി, സെ​ക്മെ​യ്, സു​ഗ്‌​നു, ഫ​യേം​ഗ്, സെ​റൗ മേ​ഖ​ല​ക​ളി​ലെ ഗ്രാ​മ​ങ്ങ​ളി​ൽ ക​ലാ​പ​കാ​രി​ക​ൾ ആ​ക്ര​മ​ണം ന​ട​ത്തി​യെ​ന്നും നി​ര​വ​ധി പേ​ർ​ക്ക് പ​രി​ക്കേ​റ്റെ​ന്നും അ​ധി​കൃ​ത​ർ അ​റി​യി​ച്ചു.

കു​ക്കി – മെ​യ്തെ​യ് വി​ഭാ​ഗ​ങ്ങ​ൾ ത​മ്മി​ൽ ന​ട​ന്ന സം​ഘ​ർ​ഷ​ങ്ങ​ൾ​ക്കി​ടെ മ​ണി​പ്പൂ​രി​ൽ ഇ​തു​വ​രെ എ​ഴു​പ​തോ​ളം ആ​ളു​ക​ൾ മ​ര​ണ​പ്പെ​ട്ടു.

അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു