‘മി​ഷ​ൻ അ​രി​ക്കൊ​മ്പ​ൻ’: ദൗ​ത്യ​സം​ഘം സ്ഥ​ല​ത്തെ​ത്തി; കു​ങ്കി​യാ​ന​ക​ൾ തേനിയിൽ, ക​മ്പ​ത്ത് നി​രോ​ധ​നാ​ജ്ഞ തു​ട​രുന്നു

കു​മ​ളി: ക​മ്പ​ത്തെ ജ​ന​വാ​സ​മേ​ഖ​ല​യി​ലി​റ​ങ്ങി ഭീ​ക​രാ​ന്ത​രീ​ക്ഷം സൃ​ഷ്ടി​ച്ച അ​രി​ക്കൊ​മ്പ​നെ ഉ​ട​ന്‍ മ​യ​ക്കു​വെ​ടി​വ​ച്ച് പി​ടി​കൂ​ടും. ഡോ. ​ക​ലൈ​വാ​ണ​ന്‍റെ നേ​തൃ​ത്വ​ത്തി​ലാ​ണ് ദൗ​ത്യ​സം​ഘം സ്ഥ​ല​ത്തെ​ത്തി​യി​ട്ടു​ണ്ട്. ആ​ന​യെ മ​യ​ക്കു​വെ​ടി​വ​ച്ച് പി​ടി​കൂ​ടി വെ​ള്ള​മ​ല​യി​ലേ​ക്ക് മാ​റ്റാ​നാ​ണ് തീ​രു​മാ​നം. ഇ​തി​നാ​യി കു​ങ്കി ആ​ന​ക​ളെ തേ​നി​യി​ല്‍ എ​ത്തി​ച്ചു. 

ചു​രു​ളി​വെ​ള്ള​ച്ചാ​ട്ട​ത്തി​ന് സ​മീ​പ​ത്തെ ക്ഷേ​ത്ര​ത്തി​ന​ടു​ത്ത് അ​രി​ക്കൊ​മ്പ​നെ ത​മി​ഴ്‌​നാ​ട് വ​നം​വ​കു​പ്പ് ഉ​ദ്യോ​ഗ​സ്ഥ​ര്‍ ക​ണ്ടെ​ത്തി. ഇ​വ​ർ ആ​ന​യെ നി​രീ​ക്ഷി​ച്ചു​കൊ​ണ്ടി​രി​ക്കു​ക​യാ​ണ്.  മ​യ​ക്കു​വെ​ടി വ​യ്ക്കാ​നു​ള്ള ഒ​രു​ക്ക​ങ്ങ​ള്‍ തു​ട​ങ്ങി. ക​മ്പ​ത്ത് നി​രോ​ധ​നാ​ജ്ഞ തു​ട​രു​ക​യാ​ണ്.

മുൻപ് ഇടുക്കി ചിന്നക്കനാലിനെ വിറപ്പിച്ചിരുന്ന അരിക്കൊമ്പൻ 28 ദിവസത്തിനു ശേഷമാണു ഇന്നലെ വീണ്ടും ജനവാസമേഖലയിലിറങ്ങിയത്. ഇന്നലെ കമ്പം ടൗണിൽ, തുമ്പിക്കൈ കൊണ്ടു തട്ടിയതിനെത്തുടർന്ന് ഒരാൾക്കും ഭയന്നോടുമ്പോൾ വീണ 2 പേർക്കും പരുക്കേറ്റിരുന്നു.

അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു