അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.മലപ്പുറം : 22 പേരുടെ ജീവൻ കവർന്ന താനൂർ ബോട്ടപകടം നടന്ന് 12 മണിക്കൂർ പോലും കഴിയുന്നതിന് മുൻപ് ജലഗതാഗത വകുപ്പിന്‍റെ ഗുരുതര വീഴ്ച. കണ്ണൂരിലെ പറശ്ശിനികടവ് – വളപട്ടണം ബോട്ട് സർവീസിൽ ഒരാൾ പോലും ലൈഫ് ജാക്കറ്റ് ധരിക്കാതെ യാത്ര ചെയ്യുന്ന ദൃശ്യങ്ങളാണ് പുറത്തുവന്നിരിക്കുന്നത്.
65 പേർക്ക് യാത്ര ചെയ്യാവുന്ന ബോട്ടിൽ 80 ഓളം പേരെ കയറ്റിയായിരുന്നു യാത്ര. എല്ലാം സീറ്റിനടിയിലും ജാക്കറ്റുണ്ടെങ്കിലും അതു ധരിക്കാൻ ജീവനക്കാർ നിർദേശം നൽകുന്നില്ല. അപകടത്തിനു കാരണമായേക്കാവുന്ന അനാസ്ഥ കണ്ടില്ലെന്ന് നടിക്കുകയാണ് അധികൃതർ എന്നാണ് ആരോപണം.
