തി​രു​വ​ന​ന്ത​പു​ര​ത്ത് ന​വ​ജാ​ത​ശി​ശു​വി​നെ വി​റ്റ സം​ഭ​വം; മാ​താ​വ് അ​റ​സ്റ്റി​ൽ

തിരുവനന്തപുരം : തിരുവനന്തപുരത്ത് നവജാത ശിശുവിനെ വിറ്റ സംഭവത്തിൽ കുഞ്ഞിന്റെ യഥാർത്ഥ അമ്മ അറസ്റ്റിൽ. കാഞ്ഞിരംകുളം സ്വദേശി അഞ്ജുവിനെ തമ്പാനൂർ പൊലീസാണ് അറസ്റ്റ് ചെയ്തത്. മാരായമുട്ടത്തെ ഒരു വീട്ടിൽ ഒളിവിൽ കഴിയവെയാണ് അറസ്റ്റ്. തിരുവനന്തപുരം തൈക്കാട് ആശുപത്രിയിൽ ജനിച്ച നാല് ദിവസം പ്രായമുള്ള കുഞ്ഞിനെ കരമന സ്വദേശിയായ സ്ത്രീക്കാണ് വിറ്റത്. 

ഏ​പ്രി​ൽ ഏ​ഴി​നാ​ണ് തൈ​ക്കാ​ട് സ​ർ​ക്കാ​ർ ആ​ശു​പ​ത്രി​യി​ല്‍ ജ​നി​ച്ച കുട്ടിയെ ക​ര​മ​ന സ്വ​ദേ​ശി​ക​ളാ​യ ദ​മ്പ​തി​ക​ള്‍​ക്ക് യു​വ​തി മൂ​ന്നു ല​ക്ഷം രൂ​പ​യ്ക്ക് വി​റ്റ​ത്. ഏ​പ്രി​ൽ 21-ന് ​സം​ഭ​വം പു​റ​ത്തു​വ​ന്ന​യു​ട​ൻ കു​ട്ടി​യു‌​ടെ മാ​താ​വ് ഒ​ളി​വി​ൽ പോ​യി​രു​ന്നു. സം​ഭ​വ​മ​റി​ഞ്ഞ​യു​ട​ൻ കു​ട്ടി​യെ ദ​മ്പ​തി​ക​ളു​ടെ പ​ക്ക​ൽ നി​ന്ന് പോ​ലീ​സ് കു​ട്ടി​യെ ഏ​റ്റെ​ടു​ത്തി​രു​ന്നു. കു​ട്ടി നി​ല​വി​ൽ ശി​ശു​ക്ഷേ​മ സ​മി​തി​യു​ടെ സം​ര‍​ക്ഷ​ണ​യി​ലാ​ണ്.

തീ​രു​മാ​നി​ച്ചു​റ​പ്പി​ച്ച​ത് അ​നു​സ​രി​ച്ചാ​ണ് കു​ട്ടി​യെ കൈ​മാ​റി​യ​തെ​ന്ന് പോ​ലീ​സ് അ​റി​യി​ച്ചി​രു​ന്നു. കു​ട്ടി​യെ വി​ല്‍​ക്കാ​ന്‍ ക​ര​മ​ന സ്വ​ദേ​ശി​യാ​യ സ്ത്രീ​യു​മാ​യി അ​ഞ്ജു ധാ​ര​ണ​യി​ലെ​ത്തി​യ​തി​ന്‍റെ തെ​ളി​വു​ക​ള്‍ പു​റ​ത്തു​വ​ന്നി​രു​ന്നു.

ഗ​ർ​ഭ​കാ​ല​ത്തി​ന്‍റെ ഏ​ഴാം മാ​സ​ത്തി​ലാ​ണ് യു​വ​തി തൈ​ക്കാ​ട് ആ​ശു​പ​ത്രി​യി​ല്‍ ചി​കി​ത്സ തേ​ടു​ന്ന​ത്. ആ ​സ​മ​യ​ത്ത് ആ​ശു​പ​ത്രി​യി​ല്‍ ന​ല്‍​കി​യ​ത് കു​ട്ടി​യെ വാ​ങ്ങി​യ ക​ര​മ​ന സ്വ​ദേ​ശി​യു​ടെ വി​ലാ​സ​മാ​യി​രു​ന്നു.

 
കുഞ്ഞിനെ വാങ്ങിയ കരമന സ്വദേശിയായ സ്ത്രീയുടെ വീട്ടിൽ നിന്നും കുഞ്ഞിന്റെ കരച്ചിൽ കേട്ടതാണ് സംഭവത്തിൽ നിർണായകമായത്. കുഞ്ഞില്ലാത്ത വീട്ടിൽ നിന്നും ശബ്ദം കേട്ട് സംശയം തോന്നിയ അയൽവാസികൾ വിവരം സ്പെഷ്യൽ ബ്രാഞ്ചിനെ അറിയിച്ചു. തുടർന്നുള്ള അന്വേഷണത്തിലാണ് കുഞ്ഞിന്റെ വിൽപ്പനയടക്കം ഞെട്ടിക്കുന്ന വിവരങ്ങൾ പുറത്ത് വന്നത്. പൊലീസ് ചോദ്യംചെയ്യലിൽ മൂന്ന് ലക്ഷം രൂപ കൊടുത്താണ് കുഞ്ഞിനെ വാങ്ങിയതെന്ന് സ്ത്രീ സമ്മതിച്ചു. ഇതോടെ കുഞ്ഞിനെ ഏറ്റെടുത്ത സിഡബ്ല്യുസി തൈക്കാട് ശിശുക്ഷേമ സമിതിയിലേക്ക് മാറ്റുകയും യഥാർത്ഥ അമ്മയ്ക്ക് വേണ്ടി പൊലീസ് അന്വേഷണം തുടങ്ങുകയും ചെയ്തു. രണ്ടാഴ്ചയോളം നീണ്ച അന്വേഷണത്തിലൊടുവിലാണ് പ്രതിയെ പിടികൂടിയത്.