അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ന്യൂയോർക്ക് : വിമാനത്തിൽ ആപ്പിൾ ജ്യൂസ് കൊണ്ടുപോകാൻ അനുവദിക്കാത്തതിന്റെ പേരിൽ മൂന്ന് എയർപോർട്ട് ജീവനക്കാരെ ആക്രമിച്ച യുവതി അറസ്റ്റിൽ. മാകിയ കോൾമാൻ ( 19 ) എന്ന യുവതിയാണ് ട്രാൻസ്പോർട്ടേഷൻ സെക്യൂരിറ്റി അഡ്മിനിസ്ട്രേഷൻ ഉദ്യോഗസ്ഥരെ ആക്രമിച്ചത്. ഏപ്രിൽ 25ന് യു.എസിലെ ഫീനിക്സ് സ്കൈ ഹാർബർ അന്താരാഷ്ട്ര വിമാനത്താവളത്തിലായിരുന്നു സംഭവം നടന്നത്.
സുരക്ഷാ പരിശോധനയ്ക്കിടെ ഉദ്യോഗസ്ഥർ ആപ്പിൾ ജ്യൂസ് എടുത്തുമാറ്റി കൊണ്ടുപോയതോടെ യുവതി വാക്കേറ്റമുണ്ടാക്കുകയും ജ്യൂസ് തിരിച്ചുവാങ്ങാൻ ശ്രമിക്കുകയും ചെയ്തു. ഉദ്യോഗസ്ഥർ ഇത് തടയാൻ ശ്രമിച്ചതോടെ അവരെ ആക്രമിക്കുകയായിരുന്നു. ഉടൻ തന്നെ പൊലീസ് സ്ഥലത്തെത്തി യുവതിയെ അറസ്റ്റ് ചെയ്തു. . പരിക്കേറ്റ ഉദ്യോഗസ്ഥർ ആശുപത്രിയിൽ ചികിത്സ തേടിയിരുന്നു.
