മ​ല​പ്പു​റ​ത്ത് വ​ന്ദേ ഭാ​ര​ത് ട്രെ​യി​നി​ന് നേ​ർ​ക്ക് ക​ല്ലേ​റ്

മ​ല​പ്പു​റം: കാ​സ​ർ​ഗോ​ഡ് – തി​രു​വ​ന​ന്ത​പു​രം റൂ​ട്ടി​ൽ സ​ർ​വീ​സ് ന​ട​ത്തു​ന്ന വ​ന്ദേ ഭാ​ര​ത് ട്രെ​യി​നി​ന് നേ​ർ​ക്ക് ക​ല്ലേ​റ്. മ​ല​പ്പു​റം തി​രു​നാ​വാ​യ സ്റ്റേ​ഷ​നു സ​മീ​പ​ത്ത് വ​ച്ചാ​ണ് ക​ല്ലേ​റു​ണ്ടാ​യ​ത്.

തിങ്കളാഴ്ച വൈകീട്ട് അഞ്ചുമണിയോടെയാണ് ട്രെയിൻ തിരൂർ സ്റ്റേഷൻ പിന്നിട്ടത്. ക​ല്ലേ​റി​ൽ ട്രെ​യി​നി​ന്‍റെ ചി​ല്ലി​ന് നേ​രി​യ വി​ള്ള​ൽ സം​ഭ​വി​ച്ചു. കാ​ര്യ​മാ​യ കേ​ടു​പാ​ടു​ക​ളോ യാ​ത്രി​ക​ർ​ക്ക് പ​രി​ക്കോ ഇ​ല്ലാ​തി​രു​ന്ന​തി​നാ​ൽ സ​ർ​വീ​സ് തു​ട​ർ​ന്നു. 

സം​ഭ​വ​ത്തി​ൽ ആർ.പി.എഫും പൊലീസും അന്വേഷണം ആരംഭിച്ചു. ആർ.പി.എഫ് കേസ് രജിസ്റ്റര്‍ ചെയ്തുവെന്നും ലോക്കല്‍ പൊലീസിന് വിവരം കൈമാറിയെന്നും റെയില്‍വെ അറിയിച്ചു. 

വന്ദേഭാരതിനു മലപ്പുറം ജില്ലയിൽ (തിരൂർ സ്റ്റേഷൻ) സ്റ്റോപ് അനുവദിക്കാത്തതിൽ വ്യാപക പ്രതിഷേധമുണ്ടായിരുന്നു. ഉദ്ഘാടന ഓട്ടത്തിൽ ട്രെയിൻ തിരൂരിൽ നിർത്തിയപ്പോൾ വലിയ സ്വീകരണമാണ് നൽകിയത്. വന്ദേഭാരത് ഓടുമെന്ന അറിയിപ്പ് വന്ന സമയത്തു തിരൂരിൽ സ്റ്റോപ്പുണ്ടാകുമെന്നാണ് പറഞ്ഞിരുന്നത്. ആദ്യ ട്രയൽ റണ്ണിൽ നിർത്തുകയും ചെയ്തു. ഇതിനു ശേഷം സ്റ്റോപ് ഒഴിവാക്കിയതു സമരങ്ങൾക്കും പ്രതിഷേധത്തിനും കാരണമായി.