കോ​ക്പി​റ്റി​ൽ പൈ​ല​റ്റ് വ​നി​താ സു​ഹൃ​ത്തി​നെ ക​യ​റ്റി​യ സം​ഭ​വം; എയർ ഇന്ത്യ സിഇഒയ്ക്ക് ഡിജിസിഎ നോട്ടിസ്

ന്യൂ​ഡ​ൽ​ഹി: വി​മാ​ന​ത്തി​ന്‍റെ കോ​ക്പി​റ്റി​നു​ള്ളി​ൽ വ​നി​താ സു​ഹൃ​ത്തി​നെ ക​യ​റ്റി​യ പൈ​ല​റ്റി​ന്‍റെ ന​ട​പ​ടി കൃ​ത്യ​സ​മ​യ​ത്ത് റി​പ്പോ​ർ​ട്ട് ചെ​യ്യാ​തി​രു​ന്ന എ​യ​ർ ഇ​ന്ത്യ​ക്ക് നോ​ട്ടീ​സ് ന​ൽ​കി ഡ‌​യ​റ​ക്ട​റേ​റ്റ് ജ​ന​റ​ൽ ഓ​ഫ് സി​വി​ൽ എ​വി​യേ​ഷ​ൻ(​ഡി​ജി​സി​എ).‌ ഫെബ്രുവരി 27ന്  ദുബായ് – ഡൽഹി വിമാനത്തിലായിരുന്നു സംഭവം. അന്വേഷണം താമസിച്ചതിനു വിശദീകരണം ആവശ്യപ്പെട്ട് വിമാന സുരക്ഷയുടെ ചുമതലയുണ്ടായിരുന്ന ഹെൻറി ഡോണോഹെയ്ക്കും നോട്ടിസ് നൽകി.

ഏപ്രിൽ 21ന് അയച്ച നോട്ടിസിൽ 15 ദിവസത്തിനുള്ളിൽ ഇരുവരും മറുപടി നൽകണമെന്നാണ് നിർദേശിച്ചിരിക്കുന്നത്. സംഭവത്തിൽ ഉൾപ്പെട്ട ക്യാബിൻ ക്രൂവിനെയും പൈലറ്റുമാരെയും അന്വേഷണം പൂർത്തിയാകുംവരെ ജോലിയിൽനിന്നു മാറ്റിനിർത്തിരിക്കുകയാണ്. 

പ്രാഥമിക അന്വേഷണത്തിൽ ക്യാബിൻ ക്രൂവിന് സംഭവത്തിൽ പങ്കില്ലെന്നാണ് കണ്ടെത്തൽ. പൈലറ്റുമാർക്ക് വിശദീകരണം നൽകാനുള്ള അവസരം ഉണ്ടാകുമെന്ന് പേരു വെളിപ്പെടുത്താൻ ആഗ്രഹിക്കാത്ത ഡിജിസിഎ ഉദ്യോഗസ്ഥൻ വ്യക്തമാക്കി.
 

ക്യാബിൻ ക്രൂ അംഗം പരാതി നൽകിയതോടെയാണ് കഴിഞ്ഞ ഫ്രെബുവരി 27ന് നടന്ന സംഭവം പുറത്തുവന്നത്. അ​തീ​വ​സു​ര​ക്ഷാ മേ​ഖ​ല​യാ​യ കോ​ക്പി​റ്റി​നു​ള്ളി​ൽ നി​യ​ന്ത്ര​ണ​ങ്ങ​ൾ മ​റി​ക​ട​ന്ന് പൈ​ല​റ്റി വ​നി​താ സു​ഹൃ​ത്തി​നെ പ്ര​വേ​ശി​പ്പി​ക്കു​ക​യാ​യി​രു​ന്നു.

നിയമപ്രകാരം കോക്‌പിറ്റിനുള്ളിൽ അനധികൃതമായി ആരെയും പ്രവേശിപ്പിക്കാൻ പാടില്ല. എ​ന്നാ​ൽ ഈ ​സം​ഭ​വം എ​യ​ർ ഇ​ന്ത്യ ഡി​ജി​സി​എ​യി​ൽ റി​പ്പോ​ർ​ട്ട് ചെ​യ്തി​രു​ന്നി​ല്ല. വി​മാ​ന​ത്തി​ലെ കാ​ബി​ൻ ക്രൂ ​അം​ഗം ഡോ​ണ​ഹോ​യ്ക്ക് അ​യ​ച്ച ര​ഹ​സ്യ ഇ-​മെ​യി​ൽ വ​ഴി​യാ​ണ് വി​വ​രം പു​റ​ത്തു​വ​ന്ന​ത്. എ​ങ്കി​ലും ഇ​ക്കാ​ര്യം ര​ഹ​സ്യ​മാ​ക്കി വ​യ്ക്കാ​നാ​ണ് എ​യ​ർ ഇ​ന്ത്യ ശ്ര​മി​ച്ച​ത്.