യുഎസിൽ പിറന്നാൾ ആഘോഷത്തിനിടെ വെടിവെപ്പ്; നാ​ല് പേ​ർ കൊ​ല്ല​പ്പെ​ട്ടു

വാ​ഷിം​ഗ്ട​ൺ: യു​എ​സി​ലെ അ​ല​ബാ​മ​യി​ൽ വെ​ടി​വ​യ്പി​ൽ നാ​ല് പേ​ർ കൊ​ല്ല​പ്പെ​ട്ടു. നി​ര​വ​ധി പേ​ർ​ക്ക് പ​രി​ക്കേ​ൽ​ക്കു​ക​യും ചെ​യ്തു. പി​റ​ന്നാ​ൾ ആ​ഘോ​ഷ​ച്ച​ട​ങ്ങി​ലാ​യി​രു​ന്നു ആ​ക്ര​മ​ണം.

ശ​നി​യാ​ഴ്ച രാ​ത്രി 10:30 ഓ​ടെ അ​ല​ബാ​മ​യി​ലെ ഡാ​ഡെ​വി​ല്ലെ​യി​ലാ​യി​രു​ന്നു സം​ഭ​വം. കൗ​മാ​ര​ക്കാ​ര​ന്‍റെ ജ​ന്മ​ദി​നാ​ഘോ​ഷ​ത്തി​നി​ടെ​യു​ണ്ടാ​യ ത​ർ​ക്ക​മാ​ണ് വെ​ടി​വ​യ്പ്പി​ലേ​ക്ക് ന​യി​ച്ച​ത്.

 
പരിക്കേറ്റവരെ ആശുപത്രിയില്‍ പ്രവേശിപ്പിച്ചു. പരിക്കേറ്റവരുടെ കൃത്യമായ വിവരം അധികൃതര്‍ പുറത്തുവിട്ടിട്ടില്ല. എങ്കിലും ഇരുപതിലേറെ പേര്‍ക്ക് പരിക്കേറ്റതായി റിപ്പോര്‍ട്ടുകളുണ്ട്. അക്രമിയെ പോലീസ് പിടികൂടിയോ എന്ന കാര്യത്തിലും വ്യക്തത വന്നിട്ടില്ല.

ഇരകളിൽ ഭൂരിഭാഗവും കൗമാരക്കാരാണെന്ന് ഇവിടുത്തെ പുരോഹിതരിൽ ഒരാളായ ബെൻ ഹെയ്‌സ് പറഞ്ഞു. തനിക്ക് ഈ വിദ്യാർഥികളിൽ പലരെയും അറിയാമായിരുന്നു. ‘ഡാഡെവില്ലെ ഒരു ചെറിയ പട്ടണമാണ്. അക്രമം ഈ പ്രദേശത്തെ എല്ലാവരെയും ബാധിക്കും’- ബെൻ ഹെയ്സ് കൂട്ടിച്ചേർത്തു.