കൊതുക് തിരി വില്ലനായി: തീപടർന്ന് ഒരു കുടുംബത്തിലെ ആറുപേർക്ക് ദാരുണാന്ത്യം

ഡൽഹി: കൊതുക് തിരിയിൽ നിന്ന് തീപടർന്ന് ഒരു കുടുംബത്തിലെ 6 പേർ ശ്വാസം മുട്ടി മരിച്ചു. 

ഡൽഹിയിലെ ശാസ്ത്രി പാർക്കിലാണ് സംഭവം. കൊതുക് തിരി കത്തിച്ചുവച്ച ശേഷം കുടുംബാം​ഗങ്ങൾ എല്ലാവരും ഉറങ്ങുകയായിരുന്നു എന്നാണ് നി​ഗമനം.

തലക്കൽ കത്തിച്ചുവച്ച കൊതുക് തിരിയിൽ നിന്ന് തലയിണയിലേക്ക് തീ പടരുകയും, രണ്ട് പേർ തീപടർന്ന് മരിക്കുകയുമായിരുന്നു. ബാക്കി നാലുപേർ തീ പിടുത്തത്തിലുണ്ടായ വിഷവാതകം ശ്വസിച്ചാണ് മരണപ്പെട്ടത്.

ഇവരോടൊപ്പമുണ്ടായിരുന്ന മറ്റ് രണ്ടുപേർ ആശുപത്രിയിൽ ​ഗുരുതര അവസ്ഥയിലാണെന്നും റിപ്പോർട്ടുകൾ. മരണപ്പെട്ടവരിൽ 4 പുരുഷൻമാരും ഒരു സ്ത്രീയും ഒന്നര വയസുള്ള കുഞ്ഞും ഉൾപ്പെടുന്നു.