അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.കൊച്ചി: വീട്ടില്‍ നിന്ന് എംഡിഎംഎയും കഞ്ചാവും കണ്ടെടുത്ത സംഭവത്തില്‍ വീട്ടമ്മ അറസ്റ്റില്‍. എളങ്കുന്നപ്പുഴ സ്വദേശിനി ഖലീലയാണ് അറസ്റ്റിലായത്.
അതേസമയം, കേസിലെ മുഖ്യപ്രതിയും വീട്ടമ്മയുടെ മകനുമായ രാഹുല്‍ ഒളിവിലാണ്. ഖലീലയുടെ വീട്ടില്‍ ഇന്നലെ പോലീസും എക്സൈസും സംയുക്തമായി നടത്തിയ തിരച്ചിലിലാണ് 70 മില്ലിഗ്രാം എംഡിഎംഎയും അഞ്ച് ഗ്രാം കഞ്ചാവും പിടിച്ചെടുത്തത്. കുറ്റകൃത്യത്തിന് ഒത്താശ ചെയ്തതിനാണ് ഖലീലയെ കേസില്‍ പ്രതിയാക്കിയിട്ടുള്ളത്. അതേസമയം, രാഹുല്‍ നേരത്തെയും നിരവധി കേസുകളില്‍ പ്രതിയാണ്. ഒളിവില്‍ പോയ ഇയാള്‍ക്കായി തിരച്ചില്‍ ആരംഭിച്ചതായി എക്സൈസ് അറിയിച്ചു.
