പത്ത് കോടി സമ്മാനം അടിച്ച ലോട്ടറിക്കുടമയെ കണ്ടെത്തി: ബംബർ അടിച്ചത് പ്രശസ്ത നടി രജനി ചാണ്ടിയുടെ സഹായിക്ക്

തിരുവനന്തപുരം: കേരള സംസ്ഥാന ലോട്ടറി വകുപ്പിന്റെ സമ്മർ ബമ്പർ BR 90 ഫലം കഴിഞ്ഞ ദിവസമാണ് പ്രഖ്യാപിച്ചത്.  10 കോടിയായിരുന്നു സമ്മാന തുക.

പത്ത് കോടി ലഭിക്കുന്ന  ഭാ​ഗ്യവാനെ തേടിയായിരുന്നു പിന്നീടുള്ള അന്വേഷണം. അങ്ങനെ ഒന്നാം സമ്മാനം കരസ്ഥമാക്കിയ ആളെ ഇപ്പോൾ തിരിച്ചറിഞ്ഞിരിക്കുകയാണ്.

അസം സ്വദേശിയായ ആൽബർട്ട് ടി​ഗയ്ക്കാണ് ഒന്നാം സമ്മാനം അടിച്ചത്. പ്രശസ്ത മലയാള സിനിമാ നടി രജിനി ചാണ്ടിയുടെ സഹായിയാണ് ആൽബർട്ട്.

കൊച്ചിയിലെ ബാങ്കിൽ ടിക്കറ്റ് നൽകി നടപടി ക്രമങ്ങൾ പൂർത്തിയാക്കി. 1995 മുതൽ വീട്ടിലെ സഹായിയായി നിൽക്കുന്ന വ്യക്തിയാണ് ആൽബർട്ടെന്നും താരം വ്യക്തമാക്കി.