വി​ജേ​ഷി​ന്‍റെ ഭീ​ഷ​ണി; സ്വപ്ന സുരേഷിന്‍റെ മൊഴി വീണ്ടും എടുക്കും

ബം​ഗ​ളൂ​രു: സ്വ​ർ​ണ​ക്ക​ട​ത്ത് കേ​സി​ലെ പ്ര​തി​യാ​യ സ്വ​പ്ന സു​രേ​ഷി​ന്‍റെ മൊ​ഴി ക​ർ​ണാ​ട​ക പോ​ലീ​സ് വീ​ണ്ടും രേ​ഖ​പ്പെ​ടു​ത്തും. വ്യാ​ഴാ​ഴ്ച സ്വ​പ്ന​യോ​ട് നേ​രി​ട്ടെ​ത്താ​ൻ ക​ർ​ണാ​ട​ക പോ​ലീ​സ് നി​ർ​ദേ​ശി​ച്ചു. വി​ജേ​ഷ് പി​ള്ള ഭീ​ഷ​ണി​പ്പെ​ടു​ത്തി​യെ​ന്ന പ​രാ​തി​യി​ലാണ് മൊ​ഴി​യെ​ടു​ക്കു​ക.

സ്വ​ർ​ണ​ക്ക​ട​ത്തു കേ​സി​ൽ കോ​ട​തി​യി​ൽ കൊ​ടു​ത്ത മൊ​ഴി തി​രു​ത്താ​ൻ പ​ണം വാ​ഗ്ദാ​നം ചെ​യ്തെ​ന്നും വ​ഴ​ങ്ങി​യി​ല്ലെ​ങ്കി​ൽ ജീ​വ​ൻ അ​പ​ക​ട​ത്തി​ലാ​കു​മെ​ന്നു വി​ജേ​ഷ് ഭീ​ഷ​ണി​പ്പെ​ടു​ത്തി​യെ​ന്നും ആ​രോ​പി​ച്ച് സ്വ​പ്ന ന​ൽ​കി​യ പ​രാ​തി​യി​ലാ​ണ് ന​ട​പ​ടി. വിജേഷ് പിള്ളയെ ബന്ധപ്പെടാൻ സാധിച്ചിട്ടില്ല എന്നായിരുന്നു പൊലീസ് വൃത്തങ്ങൾ അറിയിച്ചത്. തുടർന്നാണ്, വീണ്ടും സ്വപ്നയുടെ മോഡി എടുക്കാൻ പൊലീസ് തീരുമാനിച്ചത്. നാളെ വീട്ടിലെത്തി മൊഴി രേഖപ്പെടുത്തും. നേരത്തെ വിജേഷ് പിള്ളയുമായി സംസാരിച്ച ഹോട്ടലിൽ വച്ച് സ്വപ്നയുടെ മൊഴി രേഖപ്പെടുത്തിയിരുന്നു. 

സ്വ​ര്‍​ണ​ക്ക​ട​ത്ത് കേ​സി​ല്‍ ഒ​ത്തു​തീ​ര്‍​പ്പി​ന് ശ്ര​മ​മു​ണ്ടാ​യെ​ന്ന ആ​രോ​പ​ണം ഫേ​സ്ബു​ക്ക് ലൈ​വി​ലൂ​ടെ​യാ​ണ് സ്വ​പ്‌​ന ഉ​ന്ന​യി​ച്ച​ത്. സി​പി​എം സം​സ്ഥാ​ന സെ​ക്ര​ട്ട​റി എം.​വി.​ഗോ​വി​ന്ദ​നാ​ണ് വി​ജേ​ഷ് പി​ള്ള​യെ ത​ന്‍റെ അ​ടു​ത്തേ​യ്ക്ക് അ​യ​ച്ച​തെ​ന്നും സ്വ​പ്‌​ന ആ​രോ​പി​ച്ചി​രു​ന്നു.

സ്വപ്‌ന സുരേഷിനെതിരായ വിജേഷ് പിള്ളയുടെ പരാതിയിൽ ക്രൈംബ്രാഞ്ച് അന്വേഷണം ആരംഭിച്ചു. അന്വേഷണ ചുമതല കണ്ണൂർ ക്രൈംബ്രാഞ്ച് യൂണിറ്റിനാണ്. മുഖ്യമന്ത്രിക്കെതിരായ ആരോപണത്തിൽ നിന്നും പിന്മാറാൻ ഭീഷണിപ്പെടുത്തിയെന്ന സ്വപ്നയുടെ ആരോപണത്തിലാണ് വിജേഷ് പരാതി നൽകിയത്.