രാ​ജ്യ​ത്ത് സാ​ധാ​ര​ണ​ക്കാ​ര​ൻ അ​ഴി​മ​തി കൊ​ണ്ട് പൊ​റു​തി​മു​ട്ടി​യെ​ന്ന് സു​പ്രീം കോ​ട​തി

ന്യൂ​ഡ​ൽ​ഹി: രാ​ജ്യ​ത്ത് സാ​ധാ​ര​ണ​ക്കാ​ർ അ​ഴി​മ​തി കാ​ര​ണം പൊ​റു​തി​മു​ട്ടി​യെ​ന്ന് സു​പ്രീം കോ​ട​തി. സ​ർ​ക്കാ​ർ ഓ​ഫീ​സു​ക​ളി​ൽ എ​ത്തു​ന്ന മ​നു​ഷ്യ​ർ​ക്ക് ഇ​തി​ന്‍റെ ദു​രി​തം അ​നു​ഭ​വി​ക്കാ​തെ പു​റ​ത്തി​റ​ങ്ങാ​നാ​കി​ല്ലെ​ന്ന് ജ​സ്റ്റി​സ് കെ.​എം ജോ​സ​ഫ് ചൂ​ണ്ടിക്കാ​ട്ടി.

സ​ർ​ക്കാ​ർ സം​വി​ധാ​ന​ങ്ങ​ളു​ടെ എ​ല്ലാ ത​ല​ങ്ങ​ളി​ലും ഉ​ത്ത​ര​വാ​ദി​ത്വം വേ​ണ​മെ​ന്ന് ജ​സ്റ്റീസ് ബി.​വി. നാ​ഗ​ര​ത്ന പ​റ​ഞ്ഞു.സമസ്ത മേഖലകളിലും അഴിമതി തടയാൻ ആരെയെങ്കിലും ഉത്തരവാദികൾ ആക്കേണ്ട സമയം അതിക്രമിച്ചതായും കോടതി അഭിപ്രായപ്പെട്ടു. ക്രിമിനൽ കേസുകളിൽ കുറ്റം ചുമത്തപ്പെട്ടവരെ തെരഞ്ഞെടുപ്പുകളിൽ മത്സരിക്കുന്നതിൽ നിന്നും വിലക്കണമെന്ന് ആവശ്യപ്പെട്ടുള്ള ഹർജി പരിഗണിക്കുക ആയിരുന്നു സുപ്രീംകോടതി.  

കുറ്റങ്ങൾ ചുമത്തപ്പെട്ടാൽ ഒരാൾക്ക് ചെറിയ സർക്കാർ ജോലി പോലും കിട്ടാൻ സാധ്യത ഇല്ലെന്നിരിക്കേ, തെരെഞ്ഞെടുപ്പുകളിൽ മത്സരിക്കാൻ സാധിക്കുമെന്നത് പരിശോധിക്കണമെന്ന് ഹർജിക്കാരനായ അശ്വിനി ഉപാധ്യായ ആവശ്യപ്പെട്ടു. രാജ്യത്ത് ജനാധിപത്യത്തിന്റെ പേരിൽ നടക്കുന്ന കാര്യങ്ങളെ കുറിച്ച് ഒന്നും പറയാതിരിക്കുന്നതാണ് നല്ലതെന്ന് ജസ്റ്റിസ്‌ ജോസഫ് പ്രതികരിച്ചു. 

കേ​ര​ളം ഉ​ൾ​പെ​ടെ ചി​ല സം​സ്ഥാ​ന​ങ്ങ​ളി​ൽ ജ​ന​ന, മ​ര​ണ സ​ർ​ട്ടി​ഫി​ക്ക​റ്റു​ക​ൾ കൃ​ത്യ​സ​മ​യ​ത്ത് ന​ൽ​കി​യി​ല്ലെ​ങ്കി​ൽ പി​ഴ ഈ​ടാ​ക്കു​മെ​ന്നും വാ​ദ​ത്തി​നി​ടെ കോ​ട​തി നി​രീ​ക്ഷി​ച്ചു. കേ​സി​ൽ ഏ​പ്രി​ൽ പ​ത്തി​ന് കോ​ട​തി അ​ന്തി​മ വാ​ദം കേ​ൾ​ക്കും.