തെ​ര​ഞ്ഞെ​ടു​പ്പ് ക​മ്മീ​ഷ​നെ പി​രി​ച്ചു​വിടണം: ഉ​ദ്ധ​വ് താ​ക്ക​റെ

മും​ബൈ: തെ​ര​ഞ്ഞെ​ടു​പ്പ് ക​മ്മീ​ഷ​നെ പി​രി​ച്ചു​വി​ട​ണ​മെ​ന്ന് മ​ഹാ​രാ​ഷ്ട്ര മു​ൻ മു​ഖ്യ​മ​ന്ത്രി ഉ​ദ്ധ​വ് താ​ക്ക​റെ. ക​മ്മീ​ഷ​നെ​തി​രെ എ​ല്ലാ​വ​രും ഒ​ന്നി​ക്ക​ണം. അ​ല്ലാ​ത്ത​പ​ക്ഷം ശി​വ​സേ​ന​യ്ക്ക് ഇ​പ്പോ​ൾ സം​ഭ​വി​ക്കു​ന്ന​തു​പോ​ലെ മ​റ്റ് പാ​ർ​ട്ടി​ക​ൾ​ക്കും പി​ന്നീ​ട് സം​ഭ​വി​ക്കും. തെ​ര​ഞ്ഞെ​ടു​പ്പി​ലൂ​ടെ തെ​ര​ഞ്ഞെ​ടു​പ്പ് ക​മ്മീ​ഷ​ണ​റെ നി​യ​മി​ക്ക​ണ​മെ​ന്നും ഉ​ദ്ധ​വ് ആ​വ​ശ്യ​പ്പെ​ട്ടു. 2024നു​ശേ​ഷം രാ​ജ്യ​ത്ത് തെ​ര​ഞ്ഞെ​ടു​പ്പ് ന​ട​ക്കു​മോ എ​ന്നും താ​ക്ക​റെ സം​ശ​യം പ്ര​ക​ടി​പ്പി​ച്ചു.

എ​ല്ലാം ത​ന്നി​ൽ നി​ന്ന് മോ​ഷ്ടി​ക്ക​പ്പെ​ട്ടു. ത​ങ്ങ​ളു​ടെ പാ​ർ​ട്ടി​യു​ടെ പേ​രും ചി​ഹ്ന​വും മോ​ഷ്ടി​ക്ക​പ്പെ​ട്ടു. പ​ക്ഷേ “താ​ക്ക​റെ’ എ​ന്ന പേ​ര് മോ​ഷ്ടി​ക്കാ​ൻ ക​ഴി​യി​ല്ല. തെ​ര​ഞ്ഞെ​ടു​പ്പ് ക​മ്മീ​ഷ​ൻ ന​ൽ​കി​യ തീ​രു​മാ​ന​ത്തി​നെ​തി​രെ ത​ങ്ങ​ൾ സു​പ്രീം കോ​ട​തി​യെ സ​മീ​പി​ച്ചു, വാ​ദം ചൊ​വ്വാ​ഴ്ച മു​ത​ൽ ആ​രം​ഭി​ക്കും. ത​ന്‍റെ പാ​ർ​ട്ടി​ക്കെ​തി​രാ​യ നീ​ക്ക​ങ്ങ​ൾ ബി​ജെ​പി ആ​സൂ​ത്ര​ണം ചെ​യ്യു​ക​യാ​ണെ​ന്നും ഉ​ദ്ധ​വ് ആ​രോ​പി​ച്ചു.

മു​ഖ്യ​മ​ന്ത്രി ഏ​ക​നാ​ഥ് ഷി​ൻ​ഡെ​യു​ടെ ഗ്രൂ​പ്പി​നെ യ​ഥാ​ർ​ഥ ശി​വ​സേ​ന​യാ​യി അം​ഗീ​ക​രി​ച്ച് പാ​ർ​ട്ടി​യു​ടെ പ​ര​മ്പ​രാ​ഗ​ത ചി​ഹ്ന​മാ​യ വി​ല്ലും അ​മ്പും അ​വ​ർ​ക്ക് അ​നു​വ​ദി​ച്ച തെ​ര​ഞ്ഞെ​ടു​പ്പ് ക​മ്മീ​ഷ​ൻ തീ​രു​മാ​നം തെ​റ്റാ​ണെ​ന്നും അ​ദ്ദേ​ഹം പ​റ​ഞ്ഞു.

അ​ടി​സ്ഥാ​ന​പ​ര​മാ​യി തെ​ര​ഞ്ഞെ​ടു​പ്പ് ക​മ്മീ​ഷ​ണ​ർ​മാ​രെ തെ​ര​ഞ്ഞെ​ടു​ത്തി​ട്ടി​ല്ല. നി​യ​മി​ക്കു​ക​യാ​ണ്. ഇ​തു​മാ​യി ബ​ന്ധ​പ്പെ​ട്ട ഒ​രു ഹ​ർ​ജി സു​പ്രീം കോ​ട​തി​യു​ടെ പ​രി​ഗ​ണ​ന​യി​ലാ​ണ്. ഇ​ത് മാ​ത്ര​മ​ല്ല ശി​വ​സേ​ന​യ്‌​ക്കെ​തി​രാ​യ നി​ര​വ​ധി കേ​സു​ക​ൾ കോ​ട​തി​യി​ൽ കെ​ട്ടി​ക്കി​ട​ക്കു​മ്പോ​ൾ തെ​ര​ഞ്ഞെ​ടു​പ്പ് ക​മ്മീ​ഷ​ൻ ഇ​തെ​ല്ലാം ചെ​യ്യേ​ണ്ട​തി​ന്‍റെ ആ​വ​ശ്യ​ക​ത എ​ന്താ​യി​രു​ന്നു​വെ​ന്നും ഉ​ദ്ധ​വ് ചോ​ദി​ച്ചു.