അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
ആലപ്പുഴ: മാവേലിക്കരയില്‍ സുഹൃത്തുക്കള്‍ തമ്മിലുണ്ടായ വാക്കുതര്‍ക്കത്തിനിടെ ഒരാള്‍ കുത്തേറ്റു മരിച്ചു. മാവേലിക്കര ഉമ്ബര്‍നാട് ചക്കാല കിഴക്കതില്‍ സജേഷ് (37) ആണ് കൊല്ലപ്പെട്ടത്. മുള്ളികുളങ്ങരയില്‍ അശ്വതി ജംഗ്ഷനു സമീപം വ്യാഴാഴ്ച രാത്രി 11.30നാണ് സംഭവം.
ഇടത് കൈയുടെ മസിലില്‍ കുത്തേറ്റ സജേഷിനെ കോട്ടയം മെഡിക്കല്‍ കോളജ് ആശുപത്രിയിലേക്കു കൊണ്ടുപോകും വഴി രക്തം വാര്‍ന്ന് മരണം സംഭവിക്കുകയായിരുന്നു. അതേസമയം, കേസിലെ പ്രതിയായ ഉമ്ബര്‍നാട് സ്വദേശി വിനോദ് ഒളിവിലാണ്. പൊലീസ് അന്വേഷണം ആരംഭിച്ചു.
