അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
കൊച്ചി: എറണാകുളത്ത് യുവാവിനെ സുഹൃത്ത് കുത്തിക്കൊലപ്പെടുത്തി. നായരമ്പലം സ്വദേശി സനോജ് (44 ) ആണ് മരിച്ചത്. സനോജിന്റെ സുഹൃത്തായ അനില്‍കുമാര്‍ പിടിയിലായി. ഇന്നലെ രാത്രി 9.30 ഓടെ നെടുങ്ങാട് അണിയില്‍ റോഡിലാണ് സംഭവം.
ഇരുവരും സുഹൃത്തുക്കളായിരുന്നു. നേരത്തെ സനോജ് അനില്‍കുമാറിന്റെ വാഹനം വാങ്ങിയിരുന്നു. എന്നാല്‍ ഓണര്‍ഷിപ്പ് കൈമാറാന്‍ അനില്‍കുമാര്‍ തയ്യാറായില്ല. ഇതുമായി ബന്ധപ്പെട്ട തര്‍ക്കമാണ് കൊലപാതകത്തില്‍ കലാശിച്ചത്. കുത്തേറ്റ് കുഴഞ്ഞ് വീണ സനോജിനെ എടവനക്കാട് സ്വകാര്യ ആശുപത്രിയില്‍ എത്തിച്ചുവെങ്കിലും ജീവന്‍ രക്ഷിക്കാനായില്ല.
അതേസമയം, സംഭവത്തില്‍ ഞാറക്കല്‍ പോലീസ് കേസ് രജിസ്റ്റര്‍ ചെയ്തു. പെയിന്റിങ് തൊഴിലാളിയായിരുന്നു കൊല്ലപ്പെട്ട സനോജ്. അനില്‍കുമാര്‍ കൊറിയര്‍ സര്‍വ്വീസ് ജീവനക്കാരനാണ്.
