അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
പത്തനംതിട്ട : പത്തനംതിട്ട ജില്ലയിലെ പൂഴിക്കാട് ഒപ്പം താമസിച്ചിരുന്ന ആള്‍ സ്ത്രീയെ തലയ്ക്കടിച്ചു കൊലപ്പെടുത്തി. മുളക്കുഴ സ്വദേശി സജിതയാണ് മരിച്ചത്. 42 വയസായിരുന്നു. ഇന്നലെ അര്‍ദ്ധരാത്രിയാണ് സംഭവം. ഒപ്പം താമസിച്ചിരുന്ന ഷൈജു ഒളിവിലാണ്.
ഷൈജു പട്ടിക ഉപയോഗിച്ച് സജിതയുടെ തലയ്ക്ക് അടിക്കുകയായിരുന്നു. ബഹളം കേട്ട് നാട്ടുകാര്‍ എത്തിയപ്പോഴേക്കും പ്രതി അവിടെനിന്ന് രക്ഷപ്പെട്ടു. സജിതയെ നാട്ടുകാര്‍ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല. സജിതയും ഷൈജുവും തമ്മില്‍ നേരത്തേയും വഴക്കുണ്ടായിരുന്നതായി അയല്‍വാസികള്‍ പറയുന്നു. ഇരുവരും മുമ്പ് വേറെ വിവാഹം കഴിച്ചിട്ടുണ്ട്.
