വിരമിച്ച ജീവനക്കാർ മനുഷ്യരാണെന്ന് മറക്കരുത്; കെ​എ​സ്ആ​ർ​ടി​സി​ക്ക് ഹൈക്കോടതിടെ വിമർശനം

കൊ​ച്ചി: വി​ര​മി​ച്ച കെ​എ​സ്ആ​ർ​ടി​സി ജീ​വ​ന​ക്കാ​രും മ​നു​ഷ്യ​രാ​ണെ​ന്ന് മ​റ​ക്ക​രു​തെ​ന്ന് ഹൈ​ക്കോ​ട​തി. ആ​നൂ​കൂ​ല്യ​വി​ത​ര​ണ​ത്തി​ന് ര​ണ്ടു​വ​ര്‍​ഷ​ത്തെ സാ​വാ​കാ​ശം അ​നു​വ​ദി​ക്കാ​നാ​വി​ല്ലെ​ന്നും കോ​ട​തി അ​റി​യി​ച്ചു. പെ​ന്‍​ഷ​ന്‍ ആ​നു​കൂ​ല്യ​ങ്ങ​ള്‍ നാ​ല് മാ​സ​ത്തി​ന​കം ന​ല്‍​ക​ണ​മെ​ന്ന സിം​ഗി​ൾ ബെ​ഞ്ചി​ന്‍റെ ഉ​ത്ത​ര​വു പു​നഃ​പ​രി​ശോ​ധി​ക്ക​ണ​മെ​ന്നാ​വ​ശ്യ​പ്പെ​ട്ട് കെ​എ​സ്ആ​ര്‍​ടി​സി ന​ല്‍​കി​യ ഹ​ര്‍​ജി​ക​ള്‍ പ​രി​ഗ​ണി​ക്കു​ന്ന​തി​നി​ടെ​യാ​ണ് കോ​ട​തി​യു​ടെ പ്ര​തി​ക​ര​ണം.

കു​റ​ച്ചെ​ങ്കി​ലും ആ​നു​കൂ​ല്യം ന​ല്‍​കി​യി​ട്ട് സാ​വാ​കാ​ശം തേ​ടൂ. വേ​ണ​മെ​ങ്കി​ല്‍ ആ​റു​മാ​സം സാ​വ​കാ​ശം അ​നു​വ​ദി​ക്കാ​മെ​ന്നും കോ​ട​തി വാ​ക്കാ​ല്‍ പ​രാ​മ​ര്‍​ശി​ച്ചു. ആ​നു​കൂ​ല്യ വി​ത​ര​ണ​ത്തി​നു​ള്ള സീ​നി​യോ​റി​റ്റി പ്ര​കാ​ര​മു​ള്ള റി​പ്പോ​ര്‍​ട്ട് ന​ല്‍​കാ​ന്‍ കോ​ട​തി സ​ര്‍​ക്കാ​രി​നോ​ട് നി​ര്‍​ദേ​ശി​ച്ചു.
 
 
പെൻഷൻ ഉൾപ്പടെയുള്ള ആനുകൂല്യങ്ങൾ ലഭിക്കാത്ത ജീവനക്കാരുടെ അവസ്ഥ പരിഗണിച്ച് പരിഹാരം കാണണമെന്ന് കാലങ്ങളായി സർക്കാർ ഹൈക്കോടതിയോട് നിർദേശിക്കുന്നതാണ്. പക്ഷേ അതിലൊരു തീർപ്പ് സർക്കാരിനും കെഎസ്ആർടിസിക്കും നൽകാൻ സാധിച്ചിരുന്നില്ല. മുൻഗണനാ ക്രമത്തിൽ ആനുകൂല്യം വിതരണം ചെയ്യുന്നതിന് രണ്ട് വർഷം വേണ്ടി വരും എന്ന കെഎസ്ആർടിസിയുടെ വാദം ഇന്നും തള്ളിയ ഹൈക്കോടതി ജീവനക്കാരുടെ മനുഷ്യാവകാശങ്ങൾ ലംഘിക്കുന്നതിന് തുല്യമാണ് അതെന്ന് വ്യക്തമാക്കി. ആനുകൂല്യങ്ങൾ വിതരണം ചെയ്യാൻ ആറ് മാസം സമയം നൽകാമെന്ന് ഹൈക്കോടതി വാക്കാൽ അറിയിക്കുകയും ചെയ്തു. ഇത് ഉത്തരവായി വന്നിട്ടില്ല. അതിനു മുമ്പ് തന്നെ വിശദമായ പ്രൊപ്പോസൽ സമർപ്പിക്കാമെന്ന് കെഎസ്ആർടിസി ഹൈക്കോടതിയിൽ അറിയിച്ചിട്ടുണ്ട്.

എന്നാൽ മുൻഗണനാ ക്രമത്തിൽ ആനുകൂല്യം നൽകുന്നതിന് പകരം ആവശ്യം പരിഗണിച്ച് തീരുമാനമെടുക്കണമെന്നാണ് കോടതിയുടെ നിർദേശം. എല്ലാവരുടെയും അക്കൗണ്ടിലും ചെറിയ തുകയെങ്കിലും എത്തുന്ന രീതിയിലുള്ള പ്രപ്പോസൽ ആവണം മുന്നോട്ട് വയ്‌ക്കേണ്ടതെന്നും ഹൈക്കോടതി ഓർമിപ്പിച്ചിട്ടുണ്ട്. ആവർത്തിച്ച് പറഞ്ഞിട്ടും ഇക്കാര്യത്തിൽ ഒരു രൂപ പോലും ജീവനക്കാർക്ക് നൽകാൻ കെഎസ്ആർടിസിക്ക് കഴിഞ്ഞിട്ടില്ലെന്നും കുറച്ച് തുകയെങ്കിലും നൽകിയിരുന്നെങ്കിൽ സാവകാശം അനുവദിക്കുന്നതിനെക്കുറിച്ച് ആലോചിക്കാമായിരുന്നുവെന്നും ജസ്റ്റിസ് ദേവൻ രാമചന്ദ്രൻ അറിയിച്ചു.

മാസാമാസം കൃത്യമായി ഒരു തുക പെൻഷന് വേണ്ടി മാറ്റിവെക്കാതെ വേറെ നിവൃത്തിയില്ലെന്നും കോടതി വ്യക്തമാക്കി. ഹരജിയിൽ ഹൈക്കോടതി ഈ മാസം 12ന് വീണ്ടും വാദം കേൾക്കും.