ഓ​ഹ​രി​ വി​പ​ണി​യി​ൽ ഇ​ന്നും തി​രി​ച്ച​ടി; അദാനിക്ക് നഷ്ടം എട്ടു ലക്ഷം കോടി

മും​ബൈ: ഹി​ൻ​ഡ​ൻ​ബ​ർ​ഗി​ന്‍റെ റി​പ്പോ​ർ​ട്ടി​നു പി​ന്നാ​ലെ ഓ​ഹ​രി​ക​ൾ വി​പ​ണി​യി​ൽ വ​ൻ തി​രി​ച്ച​ടി നേ​രി​ടു​ന്ന അ​ദാ​നി ഗ്രൂ​പ്പി​ന് വീ​ണ്ടും ന​ഷ്ടം. അ​ദാ​നി എ​ന്‍റ​ർ​പ്രൈ​സ​സി​ന്‍റെ ഓ​ഹ​രി​ക​ൾ ഇ​ന്നും 26 ശ​ത​മാ​ന​ത്തി​ലേ​റെ ഇ​ടി​ഞ്ഞു.

അദാനി എന്റര്‍പ്രൈസസിനു പുറമേ അദാനി ട്രാന്‍സ്മിഷന്‍, അദാനി ഗ്രീന്‍, അദാനി ടോട്ടല്‍ ഗ്യാസ് എന്നീ ഓഹരികളും പത്തുശതമാനത്തോളം ഇടിഞ്ഞു. അദാനി പോര്‍ട്സ്, അദാനി പവര്‍ തുടങ്ങിയ ഓഹരികള്‍ അഞ്ചു ശതമാനത്തിലേറെ നഷ്ടത്തിലാണ്. 

 ഇന്ത്യൻ രൂപയിൽ കമ്പനിയുടെ ആകെ നഷ്ടം 8.31 ലക്ഷം കോടി വരും. അ​ദാ​നി ഗ്രൂ​പ്പി​ന് വാ​യ്പ ന​ല്‍​കി​യി​ട്ടു​ണ്ടെ​ങ്കി​ല്‍ അ​റി​യി​ക്കാ​ന്‍ റി​സ​ര്‍​വ് ബാ​ങ്ക്, ബാ​ങ്കു​ക​ളോ​ട് ആ​വ​ശ്യ​പ്പെ​ട്ടി​ട്ടു​ണ്ട്.

കഴിഞ്ഞ അഞ്ചു ദിവസത്തിനിടെ ഏഴര ലക്ഷം കോടിയോളം രൂപയാണ് അദാനി ഗ്രൂപ്പിന്റെ മൂല്യത്തില്‍ ഇടിവുണ്ടായത്. ഓഹരി വിപണിയിലും ചാഞ്ചാട്ടം തുടരുകയാണ്. വ്യാപാരത്തിന്റെ തുടക്കത്തില്‍ സെന്‍സെക്സ് 430 പോയിന്റും നിഫ്റ്റി 150 പോയിന്റും ഇടിഞ്ഞെങ്കിലും പിന്നീട് നഷ്ടം കുറച്ചു.
  
ലോ​ക സ​മ്പ​ന്ന​രു​ടെ പ​ട്ടി​ക​യി​ലും അ​ദാ​നി താ​ഴേ​യ്ക്കു പ​തി​ച്ചു. ഫോ​ബ്സി​ന്‍റെ ലോ​ക ധ​നി​ക​രു​ടെ പ​ട്ടി​ക​യി​ൽ അ​ദാ​നി പ​തി​നാ​റാം സ്ഥാ​ന​ത്തേ​ക്ക് താ​ണു. ആ​ഗോ​ള സ​മ്പ​ന്ന​രു​ടെ പ​ട്ടി​ക​യി​ൽ മൂ​ന്നാം സ്ഥാ​ന​ത്തു​നി​ന്നാ​ണ് അ​ദാ​നി​യു​ടെ വീ​ഴ്ച എ​ന്ന​തും ശ്ര​ദ്ധേ​യ​മാ​ണ്. കഴിഞ്ഞ വർഷം ആഗോള സമ്പന്നപ്പട്ടികയിൽ രണ്ടാം സ്ഥാനത്തുണ്ടായിരുന്ന അദാനി ഇപ്പോൾ 16-ാം സ്ഥാനത്താണെന്ന് ഫോബ്‌സ് കണക്കുകൾ പറയുന്നു. 69 ബില്യൺ ഡോളറാണ് ഇപ്പോൾ ഗുജറാത്ത് വ്യവസായിയുടെ ആസ്തി.