അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
തൃശൂര്‍: തൃശൂരില്‍ റിട്ടയേര്‍ഡ് അധ്യാപികയെ തലക്കടിച്ച് കൊലപ്പെടുത്തി സ്വര്‍ണാഭരണങ്ങള്‍ തട്ടിയെടുത്തു. തൃശ്ശൂര്‍ ഗണേശമംഗലം സ്വദേശിനി വസന്ത (76) ആണ് കൊല്ലപ്പെട്ടത്. പ്രതിയായ ഗണേശമംഗലം സ്വദേശി ജയരാജന്‍ (60) എന്നയാളെ പൊലീസ് അറസ്റ്റ് ചെയ്തു. ഇന്ന് രാവിലെ ഏഴ് മണിക്കാണ് സംഭവം.
റിട്ടയേര്‍ഡ് അധ്യാപികയായ വസന്ത വീട്ടില്‍ ഒറ്റയ്ക്കായിരുന്നു താമസം. രാവിലെ പല്ല് തേച്ചുകൊണ്ട് നില്‍കുമ്പോഴാണ് പ്രതി വസന്തയുടെ തലക്കടിച്ചത്. മോഷണത്തിന് വേണ്ടിയാണ് കൊലപാതകം നടത്തിയതെന്ന് പൊലീസ് പറയുന്നു. പ്രതിയുടെ വീട്ടില്‍ നിന്ന് ആഭരണങ്ങളും കണ്ടെടുത്തു.
