അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
ന്യൂ ഡല്‍ഹി: ഡല്‍ഹിയില്‍ യുവതിയെ വെടിവെച്ചു കൊലപ്പെടുത്തി. ഫ്‌ലിപ്കാര്‍ട്ട് ജീവനക്കാരിയായ യുവതി ജോലി കഴിഞ്ഞ് വീട്ടിലേക്ക് മടങ്ങും വഴിയാണ് അക്രമികളുടെ വെടിയേറ്റ് മരിച്ചത്. പശ്ചിംവിഹാറില്‍ രാത്രി ഏഴരയോടെയാണ് ദാരുണമായ സംഭവം നടന്നത്.
ഫ്‌ലിപ്കാര്‍ട്ടിന്റെ കൊറിയര്‍ വിഭാഗത്തിലാണ് ജ്യോതി ജോലി ചെയ്തിരുന്നത്. ഇരുചക്ര വാഹനങ്ങളില്‍ എത്തിയ രണ്ടുപേരാണ് വെടിവെച്ചതെന്ന് ഭര്‍ത്താവ് ദീപക് പറഞ്ഞു. സംഭവത്തെ തുടര്‍ന്ന് ഡിസിപി ഹരേന്ദ്ര സിങ് സ്ഥലത്തെത്തി പരിശോധന നടത്തി. സിസിടിവി ദൃശ്യങ്ങള്‍ അടക്കം പരിശോധിച്ച് കര്‍ശന നടപടിയെടുക്കുമെന്നും പ്രതികളെ ഉടന്‍ പിടികൂടുമെന്നും അദ്ദേഹം പറഞ്ഞു.
