അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.കൊച്ചി: ഹോട്ടൽ മുറിയിൽ വിൽപനയ്ക്കായി സൂക്ഷിച്ചിരുന്ന അഞ്ച് തരം ലഹരിമരുന്നുകളുമായി ഗർഭണിയും സംഘവും പിടിയിൽ. ആലുവ സ്വദേശികളായ അപർണ, സനൂപ്, നൗഫൽ എന്നിവരാണ് പിടിയിലായത്.
ആറ് മാസം ഗർഭിണിയായ അപർണയുടെ ചികിത്സയ്ക്കെന്ന പേരിൽ ഇടപ്പള്ളിയിലെ ആശുപത്രിക്ക് സമീപമുള്ള ഓയോ ഹോട്ടലിൽ താമസിച്ച് വരികയായിരുന്നു പ്രതികൾ. ഇവരുടെ പക്കൽ നിന്ന് എംഡിഎംഎ, എൽഎസ്ഡി സ്റ്റാംപ്, കഞ്ചാവ്, ഹെറോയിൻ, നൈട്രോസ്പാം ഗുളിക എന്നിവ കണ്ടെത്തി.
രണ്ടാഴ്ചയിലേറെയായി സംഘം ഹോട്ടലിൽ താമസിക്കുകയായിരുന്നു. ലഹരിമാഫിയ സംഘങ്ങൾ തമ്പടിക്കുന്നെന്ന വിവരത്തിന്റെ അടിസ്ഥാനത്തിൽ കൊച്ചി സിറ്റി പൊലീസ് പരിശോധന കർശനമാക്കിയിരുന്നു. ഇതിന്റെ അടിസ്ഥാനത്തിലാണ് ഹോട്ടലിലും പരിശോധന നടത്തിയത്. അപർണയ്ക്കെതിരെ മുൻപും സമാന കേസുകളുണ്ട്. മോഷണ, വധശ്രമ കേസുകളിലെ പ്രതിയാണ് സനൂപ്.
