സിക്കിമിൽ ട്രക്ക് മറിഞ്ഞുണ്ടായ അപകടം; മ​ല​യാ​ളി ജ​വാൻ വൈശാഖിന്‍റെ മൃ​ത​ദേ​ഹം നാ​ട്ടി​ലെ​ത്തി​ച്ചു

പാ​ല​ക്കാ​ട്: സി​ക്കി​മി​ലെ തവാംഗിൽ സൈനിക ട്രക്ക് മറിഞ്ഞുണ്ടായ അ​പ​ക​ട​ത്തി​ൽ മ​രി​ച്ച മ​ല​യാ​ളി ജ​വാൻ വൈ​ശാ​ഖി​ന്‍റെ മൃ​ത​ദേ​ഹം ജ​ന്മ​നാ​ടാ​യ മാ​ത്തൂ​രി​ൽ എ​ത്തി​ച്ചു. അല്പസമയം മുൻപാണ് മാത്തൂരിലെ വീട്ടിലേക്ക് ഭൗതികശരീരം എത്തിച്ചത്. നാളെ സംസ്കാരം നടക്കും.

കോ​യ​ന്പ​ത്തൂ​ർ വി​മാ​ന​ത്താ​വ​ളം വ​ഴി എ​ത്തി​ച്ച ‌മൃ​ത​ദേ​ഹ പേ​ട​കം, വാ​ള​യാ​ർ അ​തി​ർ​ത്തി​യി​ലൂ​ടെ റോ​ഡ് മാ​ർ​ഗം ആം​ബു​ല​ൻ​സി​ലാ​ണ് വീ​ട്ടി​ലെ​ത്തി​ച്ച​ത്. വാ​ള​യാ​റി​ൽ വ​ച്ച് മ​ന്ത്രി എം.​ബി.​രാ​ജേ​ഷ്, വി.​കെ.​ശ്രീ​ക​ണ്ഠ​ൻ എം​പി, ഷാ​ഫി പ​റ​മ്പി​ൽ എം​എ​ൽ​എ എ​ന്നി​വ​രു​ടെ നേ​തൃ​ത്വ​ത്തി​ൽ മൃ​ത​ദേ​ഹം ഏ​റ്റു​വാ​ങ്ങി. പ്രി​യ സൈ​നി​ക​നെ അ​വ​സാ​ന​മാ​യി ഒ​രു നോ​ക്ക് കാ​ണാ​ൻ നി​ര​വ​ധി പേ​രാ​ണ് വീ​ട്ടി​ൽ എ​ത്തി​ച്ചേ​ർ​ന്ന​ത്.

ശനിയാഴ്ച്ച രാവിലെയോടെ തന്നെ ഭൗതിക ശരീരം ഹെലികോപ്റ്ററിൽ ഗാങ്ങ്ടോക്കിലേക്ക് എത്തിച്ചിരുന്നു. അവിടെ നിന്നും പോസ്റ്റ്മോർട്ടത്തിനും എംബാമിങ്ങിനും ശേഷമാണ് ഔദ്യോഗികമായി ബഹുമതികൾ അർപ്പിച്ച് വൈകിട്ട് ആറ് മണിയോടെ കോയമ്പത്തൂരിലേക്ക് എത്തിച്ചത്. അവിടെ നിന്ന് സൈനിക അകമ്പടിയോടെയാണ് പാലക്കാടേക്ക് എത്തിച്ചത്. 

ഇ​ന്ന് രാ​ത്രി മു​ഴു​വ​ൻ വീ​ട്ടി​ൽ പൊ​തു​ദ​ർ​ശ​ന​ത്തി​നാ​യി സൂ​ക്ഷി​ക്കു​ന്ന മൃ​ത​ദേ​ഹം തി​ങ്ക​ളാ​ഴ്ച രാ​വി​ലെ എ​ട്ടി​ന് മ​ന്ദം എ​യു​പി സ്കൂ​ളി​ലെ അ​ന്തി​മോ​പ​ചാ​ര വേ​ദി​യി​ലേ​ക്ക് മാ​റ്റും. തു​ട​ർ​ന്ന് 11-ന് ​തി​രു​വി​ല്വാ​മ​ല ഐ​വ​ർ​മ​ഠ​ത്തി​ൽ പൂ​ർ​ണ ഔ​ദ്യോ​ഗി​ക ബ​ഹു​മ​തി​ക​ളോ​ടെ സം​സ്കാ​രം ന​ട​ത്തും.

 
മാത്തൂർ ചെങ്ങണിയൂർക്കാവ് സ്വദേശിയാണ് വൈശാഖ്(26). നാല് വർഷത്തിലധികമായി സൈന്യത്തിൽ സേവനം അനുഷ്ഠിച്ച് വരവേയാണ് അപകടമുണ്ടായത്. സൈനികവാഹനം കൊക്കയിലേക്ക് മറിഞ്ഞ് മൂന്ന് ഉദ്യോഗസ്ഥർ ഉൾപ്പെടെ 16 പേർക്കാണ് സിക്കിമിൽ ജീവൻ നഷ്ടമായത്.