‘ഭരണഘടന ആക്രമിക്കപ്പെട്ടാൽ തെരുവിലിറങ്ങും’; ഭാരത് ജോ​ഡോ യാ​ത്ര​യി​ൽ അ​ണി​ചേ​ർ​ന്ന് ഉ​ല​ക​നാ​യ​ക​ൻ

ന്യൂ​ഡ​ൽ​ഹി: രാ​ഹു​ൽ ഗാ​ന്ധി ന​യി​ക്കു​ന്ന ഭാ​ര​ത് ജോ​ഡോ യാ​ത്ര​യി​ൽ അ​ണി​ചേ​ർ​ന്ന് ഉ​ല​ക​നാ​യ​ക​ൻ ക​മ​ൽ ഹാ​സ​ൻ.  ഐടിഒ മുതല്‍ ചെങ്കോട്ട വരെയുള്ള മൂന്നര കിലോമീറ്റര്‍ ദൂരം രാഹുലിനൊപ്പം സഞ്ചരിച്ചാണ് കമല്‍ ഹാസനും യാത്രയുടെ ഭാഗമായത്. കമലിനൊപ്പം മക്കള്‍ നീതി മയ്യം നേതാക്കളും യാത്രയില്‍ പങ്കെടുത്തു. 

താ​ൻ യാ​ത്ര​യി​ൽ പ​ങ്കെ​ടു​ത്ത​ത് ഒ​രു ഭാ​ര​തീ​യ​ൻ ആ​യ​ത് കൊ​ണ്ടാ​ണെ​ന്നും ത​ന്‍റെ അ​ച്ഛ​ൻ ഒ​രു കോ​ൺ​ഗ്ര​സ് അ​നു​ഭാ​വി ആ​യി​രു​ന്നു​വെ​ന്നും ക​മ​ൽ ഹാ​സ​ൻ വ്യ​ക്ത​മാ​ക്കി.

ജോ​ഡോ യാ​ത്ര​യു​ടെ ഡ​ൽ​ഹി പ​ര്യ​ട​നം ചെ​ങ്കോ​ട്ട​യ്ക്ക് സ​മീ​പ​ത്ത് എ​ത്തി​യ വേ​ള​യി​ലാ​ണ് ഹാ​സ​ൻ യാ​ത്ര​യി​ൽ പ​ങ്കു​ചേ​ർ​ന്ന​ത്. രാ​ജ്യ​ത്തി​ന് ത​ന്നെ ഏ​റ്റ​വും ആ​വ​ശ്യ​മു​ള്ള സ​മ​യ​മി​താ​ണെ​ന്നും ഇ​ന്ത്യ​ക്കാ​യി രാ​ഷ്ട്രീ​യ വേ​ർ​തി​രി​വു​ക​ൾ മ​റ​ന്ന് ഒ​ന്നി​ക്ക​ണ​മെ​ന്ന് തോ​ന്നി​യ​തി​നാ​ലാ​ണ് യാ​ത്ര​യി​ൽ പ​ങ്കെ​ടു​ത്ത​തെ​ന്നും ഹാ​സ​ൻ കൂ​ട്ടി​ച്ചേ​ർ​ത്തു.

ഭരണഘടന ആക്രമിക്കപ്പെട്ടാൽ താൻ തെരുവിലിറങ്ങുമെന്ന് കമൽഹാസൻ പറഞ്ഞു. രാജ്യം ഭരിക്കുന്നത് ആരാണ് എന്നത് തനിക്ക് വിഷയമല്ലെന്നും പ്രതിസന്ധി ഉണ്ടായാൽ എല്ലാവരും ഒന്നാണെന്നും ഡൽഹിയിൽ ഭാരത് ജോഡോ യാത്രയിൽ പങ്കു ചേർന്ന് സംസാരിക്കവേ അദ്ദേഹം പറഞ്ഞു.

“രാഹുൽ ഗാന്ധി നെഹ്‌റുവിന്റെ പൗത്രനായും താൻ ഗാന്ധിയുടെ ചെറുമകനായുമാണ് എത്തിയിരിക്കുന്നത്. ഇന്ത്യയുടെ ചെറുമക്കളാണ് ഞങ്ങൾ രണ്ടുപേരും. രാജ്യം ആര് ഭരിക്കുന്നു എന്നത് എനിക്ക് വിഷയമല്ല. ഭരണഘടന ആക്രമിക്കപ്പെട്ടാൽ താൻ തെരുവിലിറങ്ങിയിരിക്കും. അതിനായാണ് ഇപ്പോൾ ഇവിടെ എത്തിയിരിക്കുന്നത്. ഈ യാത്രയിൽ പങ്കെടുക്കുന്നതിനെ പലരും വിലക്കിയിരുന്നു. എന്നാൽ എന്റെ ഉള്ളിലുണ്ടായിരുന്ന ചിന്ത, ഭാരതം കൈവിട്ട് പോകുന്നതിന് സഹായിക്കുന്നതിലും നല്ലത് രാജ്യത്തെ പടുത്തുയർത്തുന്നതിന് സഹായിക്കുന്നതല്ലേ എന്നതായിരുന്നു”.

“എന്നെ സംബന്ധിച്ചിടത്തോളം ഈ യാത്ര തുടങ്ങിയിട്ടേയുള്ളൂ. ഇന്ത്യയുടെ മഹത്തരമായ പാരമ്പര്യത്തെയും രാജ്യത്തിന്റെ ഭാവിയെയും ബന്ധിപ്പിക്കുന്നതിനായി ഇനിയും ഒരുപാട് ദൂരം മുന്നോട്ട് പോകാനുണ്ട്. വരും തലമുറകൾക്ക് വേണ്ടിയാണ് ഈ യാത്ര. ഇത്തരമൊരു യാത്രക്ക് നേതൃത്വം നൽകാൻ ധൈര്യം കാണിച്ച രാഹുൽ ഗാന്ധിക്ക് അഭിനന്ദനങ്ങൾ”. അദ്ദേഹം പറഞ്ഞു

ഭാ​ര​ത് ജോ​ഡോ യാ​ത്ര ഉ​ത്ത​രേ​ന്ത്യ​യി​ൽ പ​രാ​ജ​യ​പ്പെ​ടു​മെ​ന്ന ആ​ക്ഷേ​പ​ത്തി​ന് മ​റു​പ​ടി​യാ​ണ് വ​ട​ക്ക​ൻ സം​സ്ഥാ​ന​ങ്ങ​ളി​ലും ഡ​ൽ​ഹി​യി​ലും യാ​ത്ര​യ്ക്ക് അ​ഭി​വാ​ദ്യം അ​ർ​പ്പി​ക്കാ​നെ​ത്തി​യ ജ​ന​ക്കൂ​ട്ട​മെ​ന്ന് രാ​ഹു​ൽ ചൂ​ണ്ടി​ക്കാ​ട്ടി.
 

കോവിഡ് വകഭേദം ആശങ്കയുയര്‍ത്തുന്ന സാഹചര്യത്തില്‍ യാത്ര നിര്‍ത്തിവെക്കണമെന്ന് കേന്ദ്രസര്‍ക്കാര്‍ ആവശ്യപ്പടുന്നതിനിടെയാണ് തലസ്ഥാനനഗരിയിലൂടെ ജോഡോ യാത്ര കടന്നുപോകുന്നത്. രാജ്യതാത്പര്യവും ജനങ്ങളുടെ ആരോഗ്യവും കണക്കിലെടുത്ത് യാത്ര നിര്‍ത്തണമെന്ന് കേന്ദ്രമന്ത്രിമാര്‍ കഴിഞ്ഞ ദിവസവും ആവശ്യപ്പെട്ടിരുന്നു. എന്നാല്‍ കോവിഡിന്റെ പേരില്‍ യാത്രയെ തകര്‍ക്കാനാണ് ബിജെപിയുടെ ശ്രമമെന്നാണ് കോണ്‍ഗ്രസ് ആരോപിക്കുന്നത്.