അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.താനെ: മദ്യം വാങ്ങാന്‍ പണം നല്‍കിയില്ലെന്ന കാരണത്താല്‍ ആയല്‍വാസിയായ സ്ത്രീയെ യുവാവ് കുത്തിക്കൊന്നു. മഹാരാഷ്ട്രയിലെ താനെ ജില്ലയിലെ ദോംബിവില്‍ പ്രദേശത്താണ് സംഭവം നടന്നത്. വൈശാലി മസ്ദൂദ് (44) ആണ് മരിച്ചത്. പ്രതിയെ പൊലീസ് അറസ്റ്റ് ചെയ്തു.
മസ്ദൂദിന്റെ പക്കല്‍നിന്നോ അവരുടെ മകന്റെ പക്കല്‍ നിന്നോ മദ്യം വാങ്ങാനായി പ്രതി പണം കടം വാങ്ങാറുണ്ടായിരുന്നു. ബുധനാഴ്ച രാവിലെ പണം വാങ്ങാന്‍ എത്തിയപ്പോള്‍ വൈശാലി വിസമ്മതിച്ചു. ഇതില്‍ ദേഷ്യം തോന്നിയ പ്രതി കത്തിയെടുത്ത് ആക്രമിക്കുകയായിരുന്നു. ഒന്നിലധികം തവണ കുത്തേറ്റ സ്ത്രീ സംഭവസ്ഥലത്തു തന്നെ മരിച്ചു. പൊലീസ് അന്വേഷണം ആരംഭിച്ചു.
