ഗവർണറെ ചാൻസലർ സ്ഥാനത്തുനിന്ന് നീക്കാനുള്ള ബില്ലിന്‍റെ അവതരണത്തിന് അനുമതി

തിരുവനന്തപുരം: ഗവർണറെ സർവകലാശാലകളുടെ ചാൻസലർ സ്ഥാനത്തുനിന്ന് നീക്കാനുള്ള ബില്ലിന്റെ അവതരണത്തിന് അനുമതി. ​ഗവർണർ ആരിഫ് മു​ഹമ്മദ് ഖാനാണ് അനുമതി നൽകിയത്.

ഇംഗ്ലീഷ്‌ പരിഭാഷയിലുള്ള ബില്ലിനാണ് ഗവർണർ അനുമതി നൽകിയത്. ഇംഗ്ലീഷ്‌ പരിഭാഷയിലുള്ള ബിൽ അവതരണത്തിന് ഗവർണറുടെ മുൻകൂർ അനുമതി വേണമെന്നിരിക്കെയാണിത്. എട്ട് സർവകലാശാല ചട്ടങ്ങൾ ഇംഗ്ലീഷിൽ ആണ്. നാളെ സഭയിൽ അവതരിപ്പിക്കുന്ന ബിൽ 13ന് പാസാക്കാൻ ആണ് സർക്കാർ നീക്കം. താത്കാലിക വൈസ് ചാൻസലറെ നിയമിക്കാനുള്ള വ്യവസ്ഥ കൂടി ഉൾപ്പെടുത്തിയതാണ് ബിൽ.

ഭരണഘടനാ ചുമതലകളുള്ള ഗവർണറെ ബുദ്ധിമുട്ടിക്കാതിരിക്കാനാണ് ഭരണഘടനയിൽ പറയാത്ത ചാൻസലറുടെ ചുമതലയിൽ നിന്ന് അദ്ദേഹത്തെ ഒഴിവാക്കുന്നതെന്ന് സർക്കാർ പറഞ്ഞു. ഗവർണർ പദവിയെ വിവാദങ്ങളിലേക്കോ പൊതു വിമർശനങ്ങളിലേക്കോ വിധേയമാക്കുന്ന സ്ഥാനങ്ങളും അധികാരങ്ങളും മുഖേന ഗവർണറെ ബുദ്ധിമുട്ടിക്കാൻ പാടില്ലാത്തതിനാലാണ് അദ്ദേഹത്തെ ചാൻസലർ പദവിയിൽ മാറ്റാൻ നിയമനിർമാണം കൊണ്ടുവരുന്നത്.   

സം​സ്ഥാ​ന​ത്തെ 14 സ​ർ​വ​ക​ലാ​ശാ​ല​ക​ളു​ടെ ചാ​ൻ​സ​ല​ർ സ്ഥാ​ന​ത്തു​നി​ന്ന്​ ഗ​വ​ർ​ണ​റെ നീ​ക്കാ​നു​ള്ള ബി​ൽ ആണ്​ ബു​ധ​നാ​ഴ്ച നി​യ​മ​സ​ഭ​യി​ൽ അ​വ​ത​രി​പ്പി​ക്കുക. ര​ണ്ട്​ ബി​ല്ലു​ക​ളാ​യാ​ണ്​ സ​ഭ​യു​ടെ പ​രി​ഗ​ണ​ന​യ്ക്ക്​ വ​രു​ന്ന​ത്.

ഗ​വ​ർ​ണ​ർ​ക്ക്​ പ​ക​രം പ്ര​ശ​സ്ത​നാ​യ വി​ദ്യാ​ഭ്യാ​സ വി​ച​ക്ഷ​ണ​നെ സ​ർ​വ​ക​ലാ​ശാ​ല ചാ​ൻ​സ​ല​റാ​യി നി​യ​മി​ക്കാ​ൻ സ​ർ​ക്കാ​രി​ന്​ അ​ധി​കാ​രം ന​ൽ​കു​ന്ന വ്യ​വ​സ്ഥ​യോ​ടെ​യാ​ണ്​ ബി​ൽ. മു​ഖ്യ​മ​ന്ത്രി പി​ണ​റാ​യി വി​ജ​യ​നാ​യി​രി​ക്കും ബി​ൽ​ സ​ഭ​യി​ൽ അ​വ​ത​രി​പ്പി​ക്കു​ക.

ഉ​ദ്യോ​ഗ​ത്തി​ൽ പ്ര​വേ​ശി​ക്കു​ന്ന​തു​ മു​ത​ൽ അ​ഞ്ചു​ വ​ർ​ഷ​ത്തേ​ക്കാ​യി​രി​ക്കും ചാ​ൻ​സ​ല​റു​ടെ കാ​ലാ​വ​ധി. ഒ​രു അ​ധി​ക കാ​ല​യ​ള​വി​ലേ​ക്ക്​ പു​ന​ർ​നി​യ​മ​ന​ത്തി​നും അ​ർ​ഹ​ത​യു​ണ്ടാ​വും. പ്ര​തി​ഫ​ലം പ​റ്റാ​ത്ത ഓ​ണ​റ​റി സ്ഥാ​ന​മാ​യാ​ണ്​ ചാ​ൻ​സ​ല​ർ പ​ദ​വി​യെ ബി​ല്ലി​ൽ വ്യ​വ​സ്ഥ ചെ​യ്യു​ന്ന​ത്.