അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.ലഖിംപൂര് ഖേരി അക്രമവുമായി ബന്ധപ്പെട്ട കേസില് കേന്ദ്രമന്ത്രി അജയ് മിശ്രയുടെ മകന് ആശിഷ് മിശ്ര സമര്പ്പിച്ച വിടുതല് ഹര്ജി തള്ളി കോടതി. 2021 ഒക്ടോബര് 3 ന് ഉത്തര്പ്രദേശിലെ ലഖിംപൂര് ഖേരിയില് ഉണ്ടായ അക്രമവുമായി ബന്ധപ്പെട്ട കേസിലെ പ്രധാന പ്രതിയാണ് ആശിഷ് മിശ്ര. അറസ്റ്റിലായ ആശിഷ് മിശ്രയ്ക്ക് ഈ വര്ഷം ഫെബ്രുവരിയിലാണ് ജാമ്യം ലഭിച്ചത്. ഏപ്രിലില് സുപ്രീം കോടതി ആശിഷ് മിശ്രയുടെ ജാമ്യം റദ്ദാക്കുകയും ഒരാഴ്ചയ്ക്കകം കീഴടങ്ങാന് ഉത്തരവിടുകയും ചെയ്തു. ആശിഷ് മിശ്ര സമര്പ്പിച്ച വിടുതല് ഹര്ജി കോടതി തള്ളി. ഇതേ കേസിലെ മറ്റ് 13 പ്രതികളുടെ വിടുതല് ഹര്ജിയും തള്ളി. ഡിസംബര് ആറിന് ആഷിഷ് മിശ്രയ്ക്കും മറ്റ് പ്രതികള്ക്കുമെതിരെ കുറ്റം ചുമത്തും.
ഉത്തര്പ്രദേശ് ഉപമുഖ്യമന്ത്രി കേശവ് പ്രസാദ് മൗര്യയുടെ ലഖിംപൂര് സന്ദര്ശനത്തിന് മുന്നോടിയായി കര്ഷകരുടെയും ബി.ജെ.പി പ്രവര്ത്തകരുടെയും ജീവന് അപഹരിച്ച കര്ഷക പ്രതിഷേധത്തിനിടെയുണ്ടായ അക്രമത്തെ തുടര്ന്ന് ഒക്ടോബര് 3 ന് എട്ട് പേര് കൊല്ലപ്പെട്ടിരുന്നു. മരിച്ചവരില് നാലുപേര് യുപി മന്ത്രിയെ സ്വീകരിക്കാന് എത്തിയ ബിജെപി പ്രവര്ത്തകരുടെ വാഹനവ്യൂഹത്തിന്റെ ഭാഗമായ കാറുകളിലുണ്ടായിരുന്നവരാണ്. മറ്റു നാലുപേരും കര്ഷകരായിരുന്നു.നാല് കര്ഷകരുടെ മുകളിലൂടെ ഓടിച്ച് കേറ്റിയ കാറിനുള്ളില് ആശിഷ് മിശ്ര ഉണ്ടായിരുന്നുവെന്ന് കര്ഷക സംഘടനകള് ആരോപിച്ചു.
