അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.
ഏത് അന്വേഷണവും നേരിടാന് താൻ തയ്യാറാണെന്ന് വെള്ളാപ്പള്ളി നടേശന്. കാണിച്ചുകുളങ്ങര എസ്എന്ഡിപി യൂണിയന് സെക്രട്ടറിയായിരുന്ന കെ കെ മഹേശന്റെ മരണത്തില് തന്നെ ഒന്നാം പ്രതിയാക്കിയ കേസില് ആണ് വെള്ളാപ്പള്ളിയുടെ പ്രതികരണം. കെ കെ മഹേശന്റെ മരണവുമായി തനിക്ക് ബന്ധമില്ല. കേസ് സിബിഐ അന്വേഷിക്കട്ടെ. ആരോപണങ്ങള്ക്ക് പിന്നില് സമുദായത്തെ തകര്ക്കുക എന്ന ലക്ഷ്യമാണെന്നും വെള്ളാപ്പള്ളി നടേശന് ആരോപിച്ചു.
മാരാരിക്കുളം പൊലീസാണ് വെള്ളാപ്പള്ളിയെ ഒന്നാം പ്രതിയാക്കി മഹേശന്റെ മരണത്തില് കേസ് രജിസ്റ്റര് ചെയ്തത്.ആലപ്പുഴ ജൂഡിഷ്യല് ഫസ്റ്റ് ക്ലാസ്സ് മാജിസ്ട്രേറ്റ് കോടതിയുടെ നിര്ദേശ പ്രകാരമാണ് കേസ് എടുത്തത്. മാനേജര് കെ എല് അശോകന്, തുഷാര് വെള്ളാപ്പള്ളി എന്നിവരെ രണ്ടും മൂന്നും പ്രതികള് ആകിയിട്ടുണ്ട്. ഗൂഢാലോചന, ആത്മഹത്യ പ്രേരണ ഉള്പ്പടെയുള്ള വകുപ്പുകളാണ് പ്രതികള്ക്കെതിരെ ചുമത്തിയിരിക്കുന്നത്.
മൈക്രോ ഫിനാന്സ് തട്ടിപ്പ് കേസില് കെ കെ മഹേശനെ പ്രതിയാക്കിയതിന് പിന്നില് വെള്ളാപ്പള്ളി നടേശന്, തുഷാര് വെള്ളാപ്പള്ളി, കെ എല് അശോകന് എന്നിവര് ഗൂഢാലോചന നടത്തിയെന്ന് എഫ്ഐആറില് പറയുന്നു
