അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.
തിരുവനന്തപുരം :പാറശാല സ്വദേശിയായ ഷാരോണ് രാജിനെ കഷായത്തില് വിഷം ചേര്ത്ത് കൊലപ്പെടുത്തി കേസിലെ മുഖ്യപ്രതി ഗ്രീഷ്മയുടെ അമ്മയുടെയും അമ്മാവന്റെയും ജാമ്യ ഹര്ജികള് തളളി ഹൈക്കോടതി. കേസില് രണ്ടും മുന്നും പ്രതികളായ സിന്ധു, വിജയകുമാരന് നായര് എന്നിവരുടെ ജാമ്യാപേക്ഷയാണ് സിംഗിള് ബെഞ്ച് തള്ളിയത്. അന്വേഷണം തുടരുന്ന സാഹചര്യത്തില് ജാമ്യത്തിന് അര്ഹതയില്ലെന്ന പ്രോസിക്യൂഷന് വാദം അംഗീകരിച്ചാണ് ഹൈക്കോടതിയുടെ നടപടി.
തെളിവു നശിപ്പിച്ചെന്ന കുറ്റം മാത്രമാണ് തങ്ങള്ക്കെതിരെയുളളതെന്നും ജാമ്യം കിട്ടാതിരിക്കാനാണ് കൊലക്കുറ്റം കൂടി ചുമതത്തിയതെന്നുമായിരുന്നു പ്രതികളുടെ വാദം. നേരത്തെ നെയ്യാറ്റിന്കര കോടതിയും ഇവരുടെ ജാമ്യാപേക്ഷ തളളിയിരുന്നു.
