അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.
തൃശൂര് : വാക്കുതര്ക്കത്തെ തുടര്ന്ന് അയല്വാസിയുടെ കുത്തേറ്റ് അച്ഛനും മകനും മരിച്ചു. തൃശൂര് ചേര്പ്പ് പല്ലിശേരിയില് ഇന്നലെ രാത്രി പത്തരയോടെയാണ് ദാരുണമായ സംഭവം നടന്നത്.
പല്ലിശേരി പനങ്ങാടന് വീട്ടില് ചന്ദ്രന് (62) മകന് ജിതിന് കുമാര് (32) എന്നിവരാണ് മരിച്ചത്. അയല്വാസി വേലപ്പനുമായി ഉണ്ടായ തര്ക്കം പിന്നീട് സംഘര്ഷത്തില് കലാശിക്കുകയായിരുന്നു. കത്തിയുമായി എത്തിയ വേലപ്പന് അച്ഛനേയും മകനേയും കുത്തി. ഉടന് തന്നെ ഇരുവരെയും കൂര്ക്കഞ്ചേരി എലൈറ്റ് മിഷന് ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല. പ്രതിയെ ചേര്പ്പ് പൊലീസ് പിടികൂടി.
