വിഴിഞ്ഞത്ത് സംഘർഷാവസ്ഥ രൂക്ഷം; 30 ലേറെ പൊലീസുകാർക്ക് പരിക്ക്; അഞ്ച് പൊലീസ് വാഹനങ്ങൾ തകർത്തു, സ്റ്റേ​ഷ​നി​ലെ ഉ​പ​ക​ര​ണ​ങ്ങ​ൾ അ​ടി​ച്ചു​ത​ക​ർ​ത്തു

തി​രു​വ​ന​ന്ത​പു​രം: ക​സ്റ്റ​ഡി​യി​ലെ​ടു​ത്ത​വ​രെ വി​ട്ട​യ​ക്ക​ണ​മെ​ന്നാ​വ​ശ്യ​പ്പെ​ട്ട് വി​ഴി​ഞ്ഞം സ​മ​ര​സ​മി​തി ന​ട​ത്തി​യ പ്ര​തി​ഷേ​ധം അ​ക്ര​മാ​സ​ക്തം. വി​ഴി​ഞ്ഞം പോ​ലീ​സ് സ്റ്റേ​ഷ​നി​ലെ ഉ​പ​ക​ര​ണ​ങ്ങ​ൾ പ്ര​തി​ഷേ​ധ​ക്കാ​ർ അ​ടി​ച്ചു​ത​ക​ർ​ത്തു. സമരക്കാർ പൊലീസിന്‍റെ  5 ജീപ്പ്, 2 വാൻ, 20 ബൈക്കുകൾ, സ്റ്റേഷനിലെ ഓഫിസ് മുറികളിലെ ഫർണിച്ചറുകൾ തുടങ്ങിയവ നശിപ്പിച്ചു.  

സ​മ​ര​ക്കാ​രും പോ​ലീ​സും ഏ​റ്റു​മു​ട്ടി. സംഘര്‍ഷത്തില്‍ 30 ലേറെ പൊലീസുകാർക്ക് പ​രി​ക്കേ​റ്റു. ഇവരെ ആശുപത്രിയിലേക്ക് മാറ്റി. ഒരു പ്രാദേശിക മാധ്യമ പ്രവർത്തകനും പരുക്കേറ്റു. ഷെരീഫ് എന്ന മാധ്യമപ്രവർത്തകനാണ് പരുക്കേറ്റത്. ഇയാളുടെ മൊബൈൽ ഫോൺ പിടിച്ചുവാങ്ങുകയും വസ്ത്രങ്ങൾ വലിച്ചുകീറുകയും ചെയ്തിട്ടുണ്ട്.

സം​ഘ​ർ​ഷം നി​യ​ന്ത്രി​ക്കാ​ൻ പോ​ലീ​സ് നി​ര​വ​ധി ത​വ​ണ ക​ണ്ണീ​ർ വാ​ത​കം പ്ര​യോ​ഗി​ച്ചു. പ്ര​തി​ഷേ​ധ​ക്കാ​ർ​ക്കു നേ​രെ ലാ​ത്തി​വീ​ശു​ക​യും ചെ​യ്തു. വി​ഴി​ഞ്ഞം പോ​ലീ​സ് സ്റ്റേ​ഷ​ൻ‌ പ​രി​സ​രം യു​ദ്ധ​ക്ക​ള​മാ​യി തു​ട​രു​ക​യാ​ണ്. പ്ര​തി​ഷേ​ധ​ക്കാ​ർ രാ​ത്രി വൈ​കി​യും പി​രി​ഞ്ഞു​പോ​കാ​ൻ കൂ​ട്ടാ​ക്കി​യി​ല്ല.

സംഘർഷമുണ്ടാക്കുന്നവരെ പിരിച്ചു വിടാൻ പലതവണ കണ്ണീർവാതകം പ്രയോഗിച്ചു. ചിതറിയോടിയ പ്രവർത്തകർ സ്റ്റേഷനു മുന്നിൽ വീണ്ടും തിരികെയെത്തി. പിന്നാലെ ലാത്തിച്ചാർജ് നടത്തി. 

സിറ്റി പൊലീസ് കമ്മിഷണർ ജി.സ്പർജൻ കുമാർ ഉൾപ്പെടെയുള്ളവർ സ്ഥലത്തെത്തി. അവധിയിലായിരുന്ന പൊലീസുകാരെ തിരികെ വിളിപ്പിച്ചു. കൂടുതൽ ആംബുലൻസുകളെ എത്തിക്കാൻ നിർദേശം നൽകി.  

സ​മ​ര​ക്കാ​രെ നേ​രി​ടാ​ൻ പോ​ലീ​സും കൂ​ടു​ത​ൽ സ​ന്നാ​ഹ​ങ്ങ​ൾ ഒ​രു​ക്കി​യി​ട്ടു​ണ്ട്. സ​മീ​പ സ്റ്റേ​ഷ​നു​ക​ളി​ൽ​നി​ന്ന് പോ​ലീ​സു​കാ​രെ വി​ഴി​ഞ്ഞ​ത്തേ​ക്ക് എ​ത്തി​ച്ചി​ട്ടു​ണ്ട്. റാ​പ്പി​ഡ് ആ​ക്ഷ​ൻ ഫോ​ഴ്സും സ്ഥ​ല​ത്ത് എ​ത്തി​യി​ട്ടു​ണ്ട്. ഡി​സി​പി​യു​ടെ നേ​തൃ​ത്വ​ത്തി​ലാ​ണ് പോ​ലീ​സി​നെ വി​ന്യ​സി​ച്ചി​രി​ക്കു​ന്ന​ത്. ക​സ്റ്റ​ഡി​യി​ലെ​ടു​ത്ത​വ​രെ വി​ട്ട​യ​ക്കാ​തെ പി​രി​ഞ്ഞു​പോ​കി​ല്ലെ​ന്നാ​ണ് സ​മ​ര​ക്കാ​രു​ടെ നി​ല​പാ​ട്. പോ​ലീ​സ് ഇ​തി​ന് വ​ഴ​ങ്ങി​യി​ട്ടി​ല്ല.

കസ്റ്റഡിയിൽ എടുത്തവർ നിരപരാധികളാണെന്നും വിട്ടയയ്ക്കണമെന്നുമാണ് സമരക്കാരുടെ ആവശ്യം. വൈദികർ അടക്കമുള്ളവരാണ് പ്രതിഷേധവുമായി എത്തിയത്. 

    
അതേസമയം, സംഘര്‍ഷാവസ്ഥ കണക്കിലെടുത്ത് വിഴിഞ്ഞം പൊലീസ് സ്റ്റേഷൻ പരിധിയിൽ പ്രവർത്തിക്കുന്ന മദ്യവിൽപ്പന ശാലകളുടെ പ്രവർത്തനം ഏഴ് ദിവസത്തേക്ക് നിരോധിച്ചു. മദ്യശാലകളുടെ പ്രവര്‍ത്തനം നവംബർ 28  മുതൽ ഡിസംബർ നാല് വരെ നിരോധിച്ചതായി ജില്ലാ കളക്ടർ ജെറോമിക് ജോർജ് അറിയിച്ചു. വിഴിഞ്ഞം അന്താരാഷ്ട്ര തുറമുഖ നിർമ്മാണത്തിനെതിരെ  തിരുവനന്തപുരം ലത്തീൻ കത്തോലിക്ക അതിരൂപതയുടെ നേതൃത്വത്തിൽ നടന്നുവരുന്ന അനിശ്ചിതകാല ഉപരോധസമരം കണക്കിലെടുത്താണ് നടപടിയെന്നും അറിയിപ്പിൽ പറയുന്നു.