അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
ആലപ്പുഴ: ആലപ്പുഴ ബൈപ്പാസില്‍ എം.ഡി.എം.എയുമായി യുവതിയടക്കം മൂന്നുപേര്‍ അറസ്റ്റില്‍. കണ്ണൂര്‍ കൊളവല്ലൂര്‍ കുണ്ടന്‍ചാലില്‍ കുന്നേത്ത്പറമ്പ് ഹൃദ്യ (19), ഇടുക്കി കഞ്ഞിക്കുഴി ചുങ്കനാനില്‍ വീട്ടില്‍ ആല്‍ബിന്‍ (21), കോതമംഗലം ഇഞ്ചത്തൊട്ടി വട്ടത്തുണ്ടില്‍ നിഖില്‍ (20) എന്നിവരാണ് അറസ്റ്റിലായത്. ഇവര്‍ സഞ്ചരിച്ച കാറില്‍നിന്ന് 11 ഗ്രാം എം.ഡി.എം.എ. പിടിച്ചെടുത്തു.
വാഹന പരിശോധനയ്ക്കിടെ പോലീസ് കൈകാണിച്ചിട്ടും നിർത്താതെ പോകാൻ ശ്രമിച്ച കാർ ഇലട്രിക് പോസ്റ്റിലിടിച്ച് അപകടമുണ്ടായി. പിന്നാലെ പ്രതികൾ ഓടി രക്ഷപെടാൻ ശ്രമിച്ചെങ്കിലും പോലീസ് കീഴ്പ്പെടുത്തി. തുടർന്ന് നടത്തിയ പരിശോധനയിൽ കാറിനുള്ളിൽ മയക്കുമരുന്ന് കണ്ടെത്തുകയായിരുന്നു. ഇവര്‍ സഞ്ചരിച്ച കാറും പോലീസ് കസ്റ്റഡിയിലെടുത്തിട്ടുണ്ട്.
മയക്കുമരുന്ന് ആലപ്പുഴ നഗരത്തിലെയും പരിസരങ്ങളിലെയും സ്‌കൂള്‍-കോളേജ് വിദ്യാര്‍ഥികള്‍ക്കും യുവതീയുവാക്കള്‍ക്കും വില്‍ക്കാന്‍ കൊണ്ടുവന്നതാണ്. ഹൃദ്യ എറണാകുളത്തു താമസിച്ച് രാത്രികാലങ്ങളില്‍ എം.ഡി.എം.എ. ആലപ്പുഴയില്‍ കൊണ്ടുവന്ന് വില്‍പ്പന നടത്തിയിരുന്നതായി പോലീസ് പറഞ്ഞു.
