അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.മലപ്പുറം: പെരിന്തല്‍മണ്ണയില്‍ വില്‍പ്പനയ്ക്കായി എത്തിച്ച ഒമ്പതര കിലോഗ്രാം കഞ്ചാവുമായി രണ്ട് പേര്‍ പിടിയിലായി. അലനെല്ലൂര്‍ സ്വദേശികളാണ് പോലീസിന്റെ പിടിയിലായത്. ചെറൂക്കന്‍ യൂസഫ് (35), പാക്കത്ത് ഹംസ (48) എന്നിവരെ പാണമ്പിയില്‍ വെച്ച് അറസ്റ്റ് ചെയ്യുകയായിരുന്നു.
പെരിന്തല്‍മണ്ണ ഡിവൈഎസ്പി എം. സന്തോഷ് കുമാര്‍, സി.ഐ. സി. അലവി എന്നിവരുടെ നേതൃത്വത്തില്‍ എസ്.ഐ. എ.എം. യാസിറും സംഘവും പെരിന്തല്‍മണ്ണ ടൗണിലും പരിസരപ്രദേശങ്ങളിലും നടത്തിയ രാത്രികാല പട്രോളിങ്ങിനിടെയാണ് ഗുഡ്‌സ് വാഹനത്തില്‍ ഒളിപ്പിച്ച് കടത്തിയ 9.450 കിലോഗ്രാം കഞ്ചാവുമായി പ്രതികള്‍ പിടിയിലായത്.
