ലിം​ഗാ​യ​ത്ത് മ​ഠാ​ധി​പ​തി​യു​ടെ ആ​ത്മ​ഹ​ത്യ​യ്ക്കു പി​ന്നി​ല്‍ ഹ​ണി​ട്രാ​പ്പ്

ബം​ഗ​ളൂ​രു: രാ​മ​ന​ഗ​ര​യി​ലെ ലിം​ഗാ​യ​ത്ത് മ​ഠാ​ധി​പ​തി ബ​സ​വ​ലിം​ഗ സ്വാ​മി(44)​യു​ടെ ആ​ത്മ​ഹ​ത്യ​യ്ക്കു പി​ന്നി​ല്‍ ഹ​ണി​ട്രാ​പ് എ​ന്ന് പോ​ലീ​സ്. സ്വാ​മി​യു​ടെ മു​റി​യി​ല്‍​നി​ന്നു ല​ഭി​ച്ച ആ​ത്മ​ഹ​ത്യാ​കു​റി​പ്പ് കേ​ന്ദ്രീ​ക​രി​ച്ച് ന​ട​ത്തി​യ അ​ന്വേ​ഷ​ണ​ത്തി​ലാ​ണ് അ​ജ്ഞാ​ത​യു​വ​തി​യു​ടെ ഭീ​ഷ​ണി​യാ​ണ് ആ​ത്മ​ഹ​ത്യ​യി​ലേ​ക്കു ന​യി​ച്ച​തെ​ന്ന് ക​ണ്ടെ​ത്തി​യ​ത്.

ബസവലിംഗയുമായുള്ള വീഡിയോ കോളുകള്‍ റെക്കോര്‍ഡ് ചെയ്ത് ഈ സ്ത്രീയും കൂട്ടാളികളും ഭീഷണിപ്പെടുത്തിയിട്ടുണ്ടാകാം എന്ന് പൊലീസ് സംശയിക്കുന്നു. ലിംഗായത്ത് മഠത്തില്‍ നിന്ന് പുറത്താക്കാന്‍ ഒരു സത്രീ അടക്കം തന്നെ ബ്ലാക്ക്മെയില്‍ ചെയ്തെന്ന് ആത്മഹത്യാക്കുറിപ്പില്‍ പറയുന്നു. മഠത്തിലെ തന്നെ രണ്ട് പേരെ കേന്ദ്രീകരിച്ചാണ് പൊലീസ് അന്വേഷണം.

ലിംഗായത്ത് മഠാധിപതിയായ ബസവലിംഗ സ്വാമിയെ തിങ്കളാഴ്ചയാണ് മുറിയിൽ തൂങ്ങി മരിച്ച നിലയിൽ കണ്ടെത്തിയത്. തിങ്കളാഴ്ച രാവിലെ ഏറെ വൈകിയിട്ടും മുറി തുറക്കാതെ വന്നതോടെ ജീവനക്കാർ മുറി തുറന്ന് പരിശോധിച്ചു. ഇതോടെയാണ് തൂങ്ങിയ നിലയിൽ സ്വാമിയുടെ  മൃതദേഹം കണ്ടെത്തിയത്. മൃതദേഹത്തിനൊപ്പം മുറിയിൽ സ്വാമിയുടെ ആത്മഹത്യാ കുറിപ്പും കണ്ടെത്തുകയായിരുന്നു. ഈ കുറിപ്പ് കേന്ദ്രീകരിച്ച് നടത്തിയ പൊലീസ് അന്വേഷണത്തിലാണ് ഹണി ട്രാപ്പ് സംബന്ധിച്ച വിവരങ്ങൾ പൊലീസിന് ലഭിച്ചത്.  
  
യു​വ​തി​യെ​യും ആ​ത്മ​ഹ​ത്യാ​കു​റി​പ്പി​ല്‍ പ​രാ​മ​ര്‍​ശി​ച്ച മ​റ്റു ര​ണ്ടു​പേ​രെ​യും ക​ണ്ടെ​ത്തി ചോ​ദ്യം​ചെ​യ്യു​ന്ന​തി​നു​ള്ള ശ്ര​മ​ങ്ങ​ള്‍ ന​ട​ന്നു​വ​രി​ക​യാ​ണ്. ഒ​രു വ​ര്‍​ഷ​ത്തി​നി​ടെ ക​ര്‍​ണാ​ട​ക​യി​ല്‍ ജീ​വ​നൊ​ടു​ക്കു​ന്ന മൂ​ന്നാ​മ​ത്തെ ലിം​ഗാ​യ​ത്ത് മ​ഠാ​ധി​പ​തി​യാ​ണ് ബ​സ​വ​ലിം​ഗ സ്വാ​മി.