അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
ധോണി എന്റർടൈൻമെന്റ് തമിഴ് സിനിമയിലേക്ക് പ്രവേശിക്കുന്നതായി റിപ്പോർട്ട്. 2019ൽ ഭാര്യ സാക്ഷിക്കൊപ്പം ധോണി എന്റർടെയ്ൻമെന്റ് എന്ന പേരിൽ തന്റെ പ്രൊഡക്ഷൻ ഹൗസ് ആരംഭിച്ചിരുന്നു.
ഒരു ഫാമിലി എന്റർടെയ്‌നറായിരിക്കും ഇത്, സാക്ഷി സിംഗ് ധോണിയാണ് ആശയം എഴുതിയിരിക്കുന്നത്. നവയുഗ ഗ്രാഫിക് നോവലായ അഥർവ – ദി ഒറിജിൻ രചിച്ച രമേഷ് തമിൾമണിയാണ് ഇത് സംവിധാനം ചെയ്യുന്നത്. ചിത്രത്തിലെ അഭിനേതാക്കളെയും അണിയറപ്രവർത്തകരെയും ഉടൻ പ്രഖ്യാപിക്കും.
“സാക്ഷി എഴുതിയ കൺസെപ്റ്റ് വായിച്ച നിമിഷം മുതൽ എനിക്കറിയാമായിരുന്നു അതിന് പ്രത്യേകതയുണ്ടെന്ന്. പുതുമയുള്ള ആശയവും ഒരു ഫൺ ഫാമിലി എന്റർടെയ്‌നർ ആകാനുള്ള എല്ലാ സാധ്യതകളും ആ കൺസപ്റ്റിന് ഉണ്ടായിരുന്നു…”എന്ന് തമിൾമണി പറഞ്ഞു.
തമിഴിന് പുറമെ, സയൻസ് ഫിക്ഷൻ, ക്രൈം ഡ്രാമ, കോമഡി, സസ്പെൻസ് ത്രില്ലർ എന്നിവ നിർമ്മിക്കുന്നതിനായി ഒന്നിലധികം ചലച്ചിത്ര നിർമ്മാതാക്കളുമായും തിരക്കഥാകൃത്തുക്കളുമായും ധോണി എന്റർടൈൻമെന്റ് ചർച്ചകൾ നടത്തുകയാണ്.
