ജസ്റ്റിസ് ഡി.വൈ.ചന്ദ്രചൂഡ് സുപ്രീംകോടതി ചീഫ് ജസ്റ്റിസ്; നിയമനത്തിൽ രാഷ്ട്രപതി ഒപ്പുവെച്ചു

ന്യൂഡൽഹി: സുപ്രീം കോടതിയുടെ 50–ാം ചീഫ് ജസ്റ്റിസായി ഡി.വൈ.ചന്ദ്രചൂഡിനെ രാഷ്ട്രപതി ദ്രൗപദി മുർമു നിയമിച്ചു. അടുത്ത മാസം ഒൻപതിനു ചുമതലയേൽക്കും. ജസ്റ്റിസ് ചന്ദ്രചൂഡിനെ തന്റെ പിൻഗാമിയായി ഇപ്പോഴത്തെ ചീഫ് ജസ്റ്റിസ് യു.യു.ലളിത് ശുപാർശ ചെയ്തിരുന്നു. ഇത് അംഗീകരിച്ചാണ് രാഷ്ട്രപതിയുടെ ഉത്തരവ്.

നവംബർ എട്ടിനാണ് യു.യു.ലളിത് വിരമിക്കുന്നത്. ചീഫ് ജസ്റ്റിസ് പദവിയിൽ ചന്ദ്രചൂഡിന് 2 വർഷം ലഭിക്കും. 2024 നവംബർ 10നാണു വിരമിക്കുക. ഏറ്റവും കൂടുതൽ കാലം സുപ്രീം കോടതി ചീഫ് ജസ്റ്റിസ് ആയിരുന്ന വൈ.വി.ചന്ദ്രചൂഡിന്റെ മകനാണ് ചന്ദ്രചൂഡ്. 1978 ഫെബ്രുവരി 22 മുതൽ 1985 ജൂലൈ 11 വരെ വൈ.വി.ചന്ദ്രചൂഡ് ചീഫ് ജസ്റ്റിസായിരുന്നു.

2016 മേ​യി​ലാ​ണ് നി​ല​വി​ലെ ചീ​ഫ് ജ​സ്റ്റീ​സ് യു.​യു. ല​ളി​തി​ന് പി​ന്നാ​ലെ ച​ന്ദ്ര​ചൂ​ഡ് സു​പ്രീം​കോ​ട​തി​യി​ലെ​ത്തു​ന്ന​ത്. അ​തി​നു മു​ൻ​പ് അ​ല​ഹ​ബാ​ദ് ഹൈ​ക്കോ​ട​തി ചീ​ഫ് ജ​സ്റ്റീ​സ് ആ​യി​രു​ന്നു. ബോം​ബെ ഹൈ​ക്കോ​ട​തി​യി​ൽ ജ​ഡ്ജി​യാ​യി​രു​ന്നു. 1998-2000 കാ​ല​ഘ​ട്ട​ത്തി​ൽ ഇ​ന്ത്യ​യു​ടെ സോ​ളി​സി​റ്റ​ർ ജ​ന​റ​ലാ​യി​രു​ന്നു.

ആ​ധാ​ർ കേ​സ്, ശ​ബ​രി​മ​ല സ്ത്രീ​പ്ര​വേ​ശ​ന വി​ഷ​യം, എ​ൽ​ജി​ബി​ടി തു​ട​ങ്ങി​യ നി​ര​വ​ധി സു​പ്രീം​കോ​ട​തി വി​ധി​ക​ളു​ടെ ഭാ​ഗ​മാ​യി​ട്ടു​ണ്ട്. അ​ദ്ദേ​ഹ​ത്തി​ന്‍റെ പി​താ​വ് വൈ.​വി. ച​ന്ദ്ര​ചൂ​ഡ് 1978 മു​ത​ൽ 1985 വ​രെ സു​പ്രീം​കോ​ട​തി ചീ​ഫ് ജ​സ്റ്റീ​സ് ആ​യി​രു​ന്നു.