ഫ്രഞ്ച് എഴുത്തുകാരി ആനി എ​ർ‌​ണോ​ക്സി​ന് സാഹിത്യ നൊബേൽ

സ്റ്റോ​ക്ഹോം: 2022-ലെ ​സാ​ഹി​ത്യ നൊ​ബേ​ൽ പു​ര​സ്കാ​രം ഫ്ര​ഞ്ച് സാ​ഹി​ത്യ​കാ​രി ആ​നി എ​ർ​ണോ​ക്സ് ക​ര​സ്ഥ​മാ​ക്കി. കൃ​ത്യ​ത​യോ​ടെ​യും ധൈ​ര്യ​ത്തോ​ടെ​യും വ്യ​ക്തി​ജീ​വി​ത​ത്തി​ലെ സ്മ​ര​ണ​ക​ൾ കൃ​തി​ക​ളി​ലേ​ക്ക് പ​ക​ർ​ത്തി​യ​തി​നാ​ണ് പു​ര​സ്കാ​രം.

നൊബേൽ പുരസ്‌കാര വിവരം ഫോണിലൂടെ ആനിയെ അറിയിക്കാനായില്ലെന്നും ഇവരുമായി ഉടൻ സംസാരിക്കാനാകുമെന്നാണ് പ്രതീക്ഷയെന്നും നൊബേൽ കമ്മിറ്റിയെ ഉദ്ധരിച്ച് ദ ഗാർഡിയൻ റിപ്പോർട്ടു ചെയ്തു. നൊബേൽ പുരസ്‌കാരം ലഭിക്കുന്ന 16-ാമത്തെ ഫ്രഞ്ച് എഴുത്തുകാരിയാണ് ആനി എ​ർ​ണോ​ക്സ്.

82 വ​യ​സു​ള്ള എ​ർ​ണോ​ക്സ് ല​ഘു​ഭാ​ഷ​യി​ൽ ആ​ത്മ​ക​ഥാ​പ​ര​മാ​യ ര​ച​ന​ക​ളാ​ണ് കൂ​ടു​ത​ലും പ്ര​സി​ദ്ധീ​ക​രി​ച്ചി​ട്ടു​ള്ള​ത്. സ​മൂ​ഹ​ത്തി​ലെ വ​ർ​ഗ വേ​ർ​തി​രി​വു​ക​ളും മാ​നു​ഷി​ക വി​കാ​ര​ങ്ങ​ളും എ​ർ​ണോ​ക്സ് ത​ന്‍റെ ര​ച​ന​ക​ളി​ലൂ​ടെ വ​ര​ച്ചു​കാ​ട്ടി​യി​ട്ടു​ണ്ട്.

നൊ​ബേ​ൽ ഫ​ല​ക​ത്തി​നൊ​പ്പം എ​ർ​ണോ​ക്സി​ന് 10 മി​ല്യ​ൺ സ്വീ​ഡി​ഷ് ക്രൗ​ൺ(9,14,704 ഡോ​ള​ർ) സ​മ്മാ​ന​ത്തു​ക​യും ല​ഭി​ക്കും.

 
നോർമാൻഡിയിലെ ചെറുനഗരമായ യെടോടിൽ 1940 ജനിച്ച ആനി റൂവൻ യൂണിവേഴ്‌സിറ്റിയിലാണ് പഠിച്ചത്. 1974ൽ പ്രസിദ്ധീകരിച്ച ലെസ് ആർമറീസ് വിഡെസ് (ക്ലീന്‍ഡ് ഔട്ട്) ആദ്യ പുസ്തകം. 1988ൽ പുറത്തിറങ്ങിയ നാലാമത്തെ പുസ്തകം ലാ പ്ലേസ് (എ മാൻസ് പ്ലേസ്) ആണ് സാഹിത്യജീവിതത്തിൽ വഴിത്തിരിവായത്.

സമകാലിക ഫ്രഞ്ചിലെ ക്ലാസിക് കൃതി ആയാണ് ഇതറിയപ്പെടുന്നത്. ഇവരുടെ ആത്മകഥ ദ ഇയേഴ്‌സ് 2019ലെ മാൻ ബുക്കർ അന്താരാഷ്ട്ര പുരസ്‌കാരത്തിന് പരിഗണിക്കപ്പെട്ടിരുന്നു. ആലിസൺ എൽ സ്‌ട്രേയറാണ് പുസ്തകം ഇംഗ്ലീഷിലേക്ക് വിവർത്തനം ചെയ്തത്.