അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
പാലക്കാട്: കൊടുന്തിരപ്പുള്ളിയില്‍ യുവാവ് കുത്തേറ്റ് മരിച്ചു. കൊടുന്തിരപ്പുള്ളി സ്വദേശി ഹക്കീമാണ് മരിച്ചത്. ഹക്കീമിന്റെ നെഞ്ചില്‍ ആഴത്തിലുള്ള കുത്തേറ്റിട്ടുണ്ട്. ഇയാളുടെ സുഹൃത്തായ റിഷാദാണ് കുത്തിയതെന്നാണ് പോലീസ് പറയുന്നത്. റിഷാദിനെ പോലീസ് തിരയുന്നുണ്ട്.
ഇന്ന് വൈകീട്ടോടെയായിരുന്നു സംഭവം. സുഹൃത്ത് റിഷാദിന് ഒപ്പമായിരുന്നു വൈകീട്ട് ഹക്കീം ഉണ്ടായിരുന്നത്. സംസാരത്തിനിടെ ഉണ്ടായ തർക്കത്തിനിടയിൽ കയ്യിൽ ഉണ്ടായിരുന്ന പേന കത്തി കൊണ്ട് റിഷാദ് ഹക്കീമിനെ പരിക്കേൽപ്പിച്ചു എന്നാണ് പ്രാഥമിക വിവരം.
ഹക്കീനെ ഉടൻ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. മൃതദേഹം പാലക്കാട് ജില്ലാ ആശുപത്രി മോർച്ചറിയിലേക്ക് മാറ്റി. റിഷാദ് ഒളിവിലാണ് എന്നാണ് പൊലീസ് നൽകുന്ന വിവരം. ഇയാള്‍ക്കായി പൊലീസ് തെരച്ചിൽ തുടങ്ങി.
