അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.5ജി സേവനങ്ങൾ ഇന്ത്യയിൽ അവതരിപ്പിച്ചു. 5Gജി നെറ്റ്വർക്കിൽ, മികച്ച ശബ്ദ നിലവാരവും കണക്റ്റിവിറ്റിയുമുള്ള വേഗതയേറിയ ഇൻ്റർനെറ്റ് സേവനങ്ങൾ ലഭിക്കും. 4ജിയേക്കാൾ 10 മടങ്ങ് വേഗതയുമുണ്ടാകും. ഇന്ത്യൻ മൊബൈൽ കോൺഗ്രസിൻ്റെ ഭാഗമായാണ് പ്രധാനമന്ത്രി നരേന്ദ്ര മോദി 5ജി സേവനങ്ങളുടെ ഉദ്ഘാടനം നിർവ്വഹിക്കുന്നത്. ഇതോടെ പുതിയ തലമുറ ടെലികോം സേവനങ്ങൾ ലഭ്യമാകുന്ന രാജ്യങ്ങളുടെ പട്ടികയിൽ ഇന്ത്യയും വരും .
ഈ അവസരത്തിൽ പ്രധാനമന്ത്രി മോദി 5ജി നെറ്റ്വർക്കിൽ വീഡിയോ കോളിൻ്റെ സഹായത്തോടെ മഹാരാഷ്ട്രയിലെ സ്കൂൾ കുട്ടികളുമായി സംവദിച്ചു. ജിയോ നെറ്റ്വർക്കിലാണ് ഈ കോൾ ചെയ്തത്. ഇന്ത്യൻ മൊബൈൽ കോൺഗ്രസ് ഡൽഹിയിലെ പ്രഗതി മൈതാനിയിൽ തുടക്കമായിരുന്നു. ഈ പരിപാടി ഒക്ടോബർ 4 വരെ നീണ്ടുനിൽക്കും.
ജിയോ, എയർടെൽ തുടങ്ങിയ കമ്പനികളുടെ സ്റ്റാളുകൾ സന്ദർശിച്ച് പ്രധാനമന്ത്രി നരേന്ദ്ര മോദി പുതിയ സാങ്കേതികവിദ്യയെക്കുറിച്ചുള്ള വീഡിയോ ദൃശ്യങ്ങൾ കണ്ടു. മെഡിക്കൽ ലൈനിൽ 5ജി കാരണം ലഭ്യമായ സൗകര്യങ്ങൾ അദ്ദേഹം വിശദമായ പരിശോധിച്ചു. 5ജിയുടെ വരവിനുശേഷം പ്രതിരോധ, കാർഷിക മേഖലകളിലെ മാറ്റങ്ങളുടെ ഡെമോയും അദ്ദേഹം കണ്ടു.
തുടക്കത്തിൽ ഡൽഹി, മുംബൈ, കൊൽക്കത്ത, ചെന്നൈ എന്നിവയുൾപ്പെടെയുള്ള മെട്രോ നഗരങ്ങളിലാണ് പ്രാരംഭ സേവനം ലഭ്യമാകുന്നത്. അടുത്ത വർഷം അവസാനത്തോടെ രാജ്യം മുഴുവൻ സേവനങ്ങളെത്തും. 5ജിഉപയോഗിക്കുന്നതിന് പുതിയ സിം കാർഡ് ആവശ്യമില്ല. ഫോണിലെ പഴയ സിമ്മിൽ 5ജി സേവനം ആസ്വദിക്കാം. പക്ഷേ ഇതിനായി ഫോണിൽ 5G പിന്തുണ ഉണ്ടായിരിക്കേണ്ടത് ആവശ്യമാണ്. 5G പിന്തുണ മാത്രമല്ല, 5ജി സേവനം ലഭ്യമാകുന്ന ബാൻഡുകളും ഫോണിലുണ്ടായിരിക്കണം.
ഇന്ത്യയിൽ ലോഞ്ച് ചെയ്ത പല മൊബൈലുകളും 5G സ്പെക്ട്രത്തിനായി മുൻകൂട്ടി ലേലം ചെയ്തവയാണ്. അത്തരമൊരു സാഹചര്യത്തിൽ, ഫോണിൽ ഏതൊക്കെ ബാൻഡുകളാണ് ലഭ്യമെന്നും ഓപ്പറേറ്റർ ഏതൊക്കെ ബാൻഡുകളിൽ സേവനം നൽകുമെന്നും പരിശോധിച്ചു മാത്രമേ മൊബെെലുകൾ തിരഞ്ഞെടുക്കാവു.
