അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
വിവാഹത്തട്ടിപ്പുകാരിയെ മുന്‍ ഭര്‍ത്താവ് കുടുക്കി. തമിഴ്‌നാട്ടിലെ നാമക്കലിലാണ് വിവാഹത്തട്ടിപ്പുകാരിയായ മധുര സ്വദേശി 27 കാരിയായ സന്ധ്യയാണ് പിടിയിലായത്. യുവതിയുടെ ഏഴാംവിവാഹമായിരുന്നു ഇത്.യുവതി നേരത്തെ വിവാഹം കഴിച്ച പരമത്തിവെലൂര്‍ സ്വദേശി ധനബാലാണ് ഇവരെ കൈയോടെ പിടികൂടിയത്.
പിടിയിലായ സന്ധ്യ, ഇതുവരെ ആറ് വിവാഹം കഴിച്ചിട്ടുണ്ടെന്നാണ് പോലീസ് പറയുന്നത്. യുവതിക്കൊപ്പം മറ്റുമൂന്നുപേരെയും പോലീസ് അറസ്റ്റ് ചെയ്തിട്ടുണ്ട് .എന്‍.ഗൗതം, ജയവേല്‍, ധനലക്ഷ്മി എന്നിവരെയാണ് സന്ധ്യയ്‌ക്കൊപ്പം പോലീസ് പിടികൂടിയത്. ഇതില്‍ ധനലക്ഷ്മി വിവാഹബ്രോക്കറാണെന്നും മറ്റുരണ്ടുപേര്‍ യുവതിയുടെ ബന്ധുക്കളെന്ന വ്യാജേന എത്തിയവരാണെന്നും പോലീസ് പറഞ്ഞു.
ബന്ധുക്കളെന്ന വ്യാജേന ചിലരെ സംഘടിപ്പിച്ചെത്തി യുവാക്കളെ വിവാഹം കഴിക്കുകയും ദിവസങ്ങള്‍ക്കുള്ളില്‍ വരന്റെ വീട്ടില്‍നിന്ന് പണവും ആഭരണങ്ങളുമായി മുങ്ങുകയും ചെയ്യുന്നതായിരുന്നു യുവതിയുടെ രീതി.
