സോണാലിയുടെ ശരീരത്തിൽ ഗുരുതര മുറിവുകൾ; പോസ്റ്റുമോർട്ടം റിപ്പോർട്ട് പുറത്ത്‌; പി.എക്കും സുഹൃത്തിനുമെതിരെ കേസെടുത്ത് പൊലീസ്

ന്യൂഡൽഹി: ടിക് ടോക് താരവും നടിയും ബി.ജെ.പി നേതാവുമായ സൊണാലി ഫോഗട്ടിന്റെ മരണം കൊലപാതകമാണെന്ന് വ്യക്തമാക്കുന്ന തെളിവുകൾ പുറത്ത്. ശരീരത്തിൽ നിരവധി മുറിവുകളുണ്ടെന്ന് ഇന്ന് പുറത്തുവന്ന പോസ്റ്റ്‌മോർട്ടം റിപ്പോർട്ടിൽ വ്യക്തമായിട്ടുണ്ട്. മൂര്‍ച്ചയില്ലാത്ത ഏതോ വസ്തു ഉപയോഗിച്ച് ഒന്നിലധികം തവണ മര്‍ദിച്ചതിനെ തുടര്‍ന്നുള്ള പരിക്കുകളാണ് സോണാലിയുടെ ശരീരത്തിലുള്ളതെന്നാണ് സൂചന.

ഇതിനു പിന്നാലെ സൊണാലിയുടെ സഹായിക്കും സുഹൃത്തിനുമെതിരെ ഗോവ പൊലീസ് കൊലപാതകക്കുറ്റം ചുമത്തി. സൊണാലിയുടെ പേഴ്‌സണൽ അസിസ്റ്റന്റ് സുധീർ സഗ്‌വാൻ, സുഹൃത്ത് സുഖ്‌വിന്ദർ സിങ് എന്നിവർക്കെതിരെയാണ് കേസെടുത്തിരിക്കുന്നത്. കുടുംബത്തിന്റെ പരാതിയിലാണ് ഗോവ പൊലീസിന്റെ നടപടി. സംഭവത്തിൽ അന്വേഷണം പുരോഗമിക്കുകയാണെന്ന് പൊലീസ് അറിയിച്ചു.

ചൊ​വ്വാ​ഴ്ച ഗോ​വ​യി​ലാ​യി​രു​ന്നു സൊണാലി​യു​ടെ മ​ര​ണം. ഹൃ​ദ​യ​സ്തം​ഭ​നം മൂ​ല​മാ​ണ് മ​ര​ണ​മെ​ന്നാ​യി​രു​ന്നു പ്രാ​ഥ​മി​ക റി​പ്പോ​ർ​ട്ട്. എ​ന്നാ​ൽ ഇ​തി​നെ കു​ടും​ബം ചോ​ദ്യം ചെ​യ്തി​രു​ന്നു.  

ചൊ​വ്വാ​ഴ്ച രാ​വി​ലെ നോ​ർ​ത്ത് ഗോ​വ​യി​ലെ അ​ഞ്ജു​ന​യി​ലെ സെ​ന്‍റ് ആ​ന്‍റ​ണി ആ​ശു​പ​ത്രി​യി​ലാ​യി​രു​ന്നു സൊണാലി​യു​ടെ മ​ര​ണം സ്ഥി​രീ​ക​രി​ച്ച​ത്. ത​ന്‍റെ സ​ഹോ​ദ​രി​യെ സു​ധീ​ർ സാം​ഗ്‌​വാ​നും സു​ഖ്‌​വീ​ന്ദ​റും ചേ​ർ​ന്ന് ലൈം​ഗീ​ക​മാ​യി പീ​ഡി​പ്പി​ച്ച് കൊ​ല​പ്പെ​ടു​ത്തി​യെ​ന്ന് ആ​രോ​പി​ച്ച് സൊണാലി​യു​ടെ സ​ഹോ​ദ​ര​ൻ റി​ങ്കു ധാ​ക്ക പ​രാ​തി ന​ൽ​കി​യി​രു​ന്നു. സൊണാലി​യു​ടെ മോ​ശം വീ​ഡി​യോ ഉ​പ​യോ​ഗി​ച്ച് ബ്ലാ​ക്ക് മെ​യി​ൽ ചെ​യ്യു​ക​യാ​യി​രു​ന്നു​വെ​ന്നും റി​ങ്കു പ​റ​യു​ന്നു.

ചൊവ്വാഴ്ച വൈകിട്ട് ഗോവയിലെത്തിയതിന് പിന്നാലെ സ്വന്തം നിലയ്ക്ക് ചില അന്വേഷണങ്ങള്‍ നടത്തിയിരുന്നെന്നും സോണാലിയുടേത് സ്വാഭാവികമരണം അല്ലെന്നും റിങ്കു കൂട്ടിച്ചേര്‍ത്തു.  
 

ടി​ക് ടോ​ക് മു​ൻ താ​ര​മാ​യ സൊ​നാ​ലി റി​യാ​ൽ​റ്റി ടി​വി ഷോ​യാ​യ ബി​ഗ് ബോ​സി​ലും പ​ങ്കെ​ടു​ത്തി​ട്ടു​ണ്ട്. 2019 നി​യ​മ​സ​ഭാ തെ​ര​ഞ്ഞെ​ടു​പ്പി​ൽ ഹ​രി​യാ​ന​യി​ലെ ആ​ദം​പു​ർ മ​ണ്ഡ​ല​ത്തി​ൽ ബി​ജെ​പി സ്ഥാ​നാ​ർ​ഥി​യാ​യി മ​ത്സ​രി​ച്ചെ​ങ്കി​ലും കോ​ൺ​ഗ്ര​സി​ലെ കു​ൽ​ദീ​പ് ബി​ഷ്ണോ​യി​യോ​ടു പ​രാ​ജ​യ​പ്പെ​ട്ടു.