അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
അറസ്റ്റ് ചെയ്യാനെത്തിയ പൊലീസുകാരെ വെട്ടിയ പ്രതി അറസ്റ്റിൽ .തിരുവനന്തപുരം ചിറയിന്‍കീഴ് മുട്ടപ്പലം സ്വദേശി ‘മിന്നല്‍ ഫൈസല്‍’ എന്ന് വിളിക്കുന്ന ഫൈസലിനെയാണ് അറസ്റ്റ് ചെയ്തത്. നിരവധി ക്രിമിനല്‍ കേസുകളിലെ പ്രതികൂടിയാണ് ഇയാള്‍. ആറ്റിങ്ങല്‍ ഊരുപൊയ്കയില്‍ വെച്ച് ഫൈസലിനെ അറസ്റ്റ് ചെയ്യാന്‍ പോലീസ് ഉദ്യോഗസ്ഥര്‍ എത്തിയപ്പോഴാണ് ആക്രമണം.
ഇയാളെ പിടികൂടി ഒരു കയ്യില്‍ വിലങ്ങുവെക്കുമ്പോള്‍ മറ്റേ കയ്യിലിരുന്ന വെട്ടുകത്തി കൊണ്ട് പൊലീസുകാരെ വെട്ടിപ്പരിക്കേല്‍പ്പിക്കുകയായിരുന്നു. ഉടന്‍ തന്നെ ഇയാള്‍ സംഭവ സ്ഥലത്ത് നിന്ന് വിലങ്ങുമായി രക്ഷപ്പെട്ടു. തുടര്‍ന്ന് നടത്തിയ അന്വേഷണത്തിലാണ് പ്രതിയെ കണ്ടെത്തി അറസ്റ്റ് ചെയ്തത്.ചിറയിന്‍കീഴ് സ്റ്റേഷനിലെ അരുണ്‍, ലുക്മാന്‍ എന്നിവരെയാണ് പ്രതി ആക്രമിച്ചത്. പരിക്കേറ്റ പോലീസുകാരെ ആറ്റിങ്ങല്‍ വലിയകുന്ന് ആശുപത്രിയില്‍ പ്രവേശിപ്പിച്ചു.
