ഉ​ത്ത​രേ​ന്ത്യ​യി​ൽ പ​ല​യി​ട​ങ്ങ​ളി​ലും ശ​ക്ത​മാ​യ മ​ഴ; 26 മ​ര​ണം; ഹിമാചലിലും ഉത്തരാഖണ്ഡിലും മേഘവിസ്ഫോടനം

ന്യൂ​ഡ​ൽ​ഹി: ഉ​ത്ത​രേ​ന്ത്യ​യി​ലെ അ​ഞ്ച് സം​സ്ഥാ​ന​ങ്ങ​ളി​ലു​ണ്ടാ​യ മ​ഴ​ക്കെ​ടു​തി​ക​ളി​ൽ 26 മ​ര​ണം. ഹി​മാ​ച​ൽ പ്ര​ദേ​ശി​ൽ പ​തി​ന​ഞ്ച് പേ​രും ഉ​ത്ത​രാ​ഖ​ണ്ഡി​ലും ഒ​ഡീ​ഷ​യി​ലും നാ​ല് പേർ വീതവും ജ​മ്മു കാ​ഷ്മീ​രി​ൽ ര​ണ്ട് പേ​രും ജാ​ർ​ഖ​ണ്ഡി​ൽ ഒ​രാ​ളും മ​രി​ച്ച​താ​യാ​ണ് വി​വ​രം.

ഉ​ത്ത​രേ​ന്ത്യ​ൻ സം​സ്ഥാ​ന​ങ്ങ​ളി​ൽ അ​ടു​ത്ത മൂ​ന്ന് ദി​വ​സം കൂ​ടി മ​ഴ തു​ട​രും എ​ന്നാ​ണ് കാ​ലാ​വ​സ്ഥാ നി​രീ​ക്ഷ​ക​രു​ടെ പ്ര​വ​ച​നം. ഹി​മാ​ച​ൽ പ്ര​ദേ​ശി​ലും ഉ​ത്ത​രാ​ഖ​ണ്ഡി​ലും ഇ​ന്ന് പു​ല​ർ​ച്ചെ​യോ​ടെ മേ​ഘ​വി​സ്‌​ഫോ​ട​ന​മു​ണ്ടാ​യി.

ഹിമാചലിൽ കഴിഞ്ഞ കുറച്ച് ദിവസങ്ങളായി ദുരിതം വിതച്ച് കനത്ത മഴ തുടരുകയാണ്. വെള്ളപ്പൊക്കത്തിലും മണ്ണിടിച്ചിലിലും 15 മരണമാണ് സംസ്ഥാനത്ത് റിപ്പോർട്ട് ചെയ്തത്. കാണാതായ എട്ട് പേർക്കായി തിരച്ചിൽ തുടരുകയാണ്.

സംസ്ഥാനത്തെ റോഡുകളെല്ലാം വെള്ളത്തിൽ മുങ്ങിയിരിക്കുകയാണ്. ചക്കി ബ്രിഡ്ജ് ഉൾപ്പടെ നിരവധി പാലങ്ങൾ തകർന്നുവീണു. ചണ്ഡീഗഢ്- മണാലി റോഡ് അടക്കമുള്ളിടങ്ങളിൽ ഗതാഗതം തടസപ്പെട്ടിരിക്കുകയാണ്. ജനങ്ങൾ പരിഭ്രാന്തിയിലാണ്. ദുരിതബാധിത പ്രദേശങ്ങളിൽ നിന്ന് ആളുകളെ സുരക്ഷിതമായ ഇടങ്ങളിലേക്ക് മാറ്റുകയാണെന്ന് അധികൃതർ അറിയിച്ചു. 

തമസ, സോങ്ങ്, ചക്കി നദികളിൽ നിന്ന് ജലം കുത്തിയൊഴുകി വന്നതോടെ നിരവധി പാലങ്ങളും റോഡുകളും തകർന്നു.കാൻഗ്ര ജില്ലയിലെ ചക്കി നദിക്ക് മുകളിലൂടെയുള്ള റെയിൽപ്പാലം പൂർണമായി തകർന്നു . 

ഹിമാചലിലെ മണ്ടിയിൽ വലിയ മണ്ണിടിച്ചില്‍ ഉണ്ടായതായി ജില്ലാ കലക്ടർ അറിയിച്ചു. .കാൻഗ്ര,ചമ്പ,മണ്ഡി, കുളു, ഷിംല, സിർമോർ, സോളൻ, ഹമിർപൂർ, ഉന, ബിലാസ്പൂർ ജില്ലകളിൽ അടുത്ത രണ്ട് ദിവസം കനത്ത മഴ തുടരും. ഉത്തരാഖണ്ഡിലുണ്ടായ  മേഘവിസ്‌ഫോടനത്തിന് പിന്നാലെ  വെള്ളം കയറി സാർഖേത് ഗ്രാമം ഒറ്റപ്പെട്ടു. ഇവിടെ ഉണ്ടായിരുന്ന മുഴുവൻ പേരെയും സുരക്ഷിത സ്ഥാനത്തേക്ക് മാറ്റിയതായി അധികൃതർ അറിയിച്ചു.