അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.ബിഹാറില് 31 മന്ത്രിമാരാണ് ഇന്ന് സത്യപ്രതിജ്ഞ ചെയ്തു. മഹാസഖ്യ സര്ക്കാറിന് മന്ത്രിസഭാ വിപുലീകരണത്തിൽ ആര്ജെഡിക്ക് 16 മന്ത്രിമാരുണ്ട്. 11 പേര് മുഖ്യമന്ത്രി നിതീഷ് കുമാറിന്റെ ജെഡിയുവില് നിന്നും രണ്ട് പേര് കോണ്ഗ്രസില് നിന്നുമാണ്. മുന് മുഖ്യമന്ത്രി ജിതന് റാം മാഞ്ചിയുടെ ഹിന്ദുസ്ഥാനി അവാം മോര്ച്ചയ്ക്ക് ഒരു മന്ത്രിസ്ഥാനം നല്കി. ഒരാള് സ്വതന്ത്രനാണ്.
ആഭ്യന്തര വകുപ്പ് ബീഹാര് മുഖ്യമന്ത്രി നിതീഷ് കുമാറിനാണ്. പൊതുഭരണം, കാബിനറ്റ് സെക്രട്ടേറിയറ്റ്, തിരഞ്ഞെടുപ്പ്, മറ്റുള്ളവര്ക്ക് നിയോഗിക്കാത്ത മറ്റ് വകുപ്പുകള് എന്നിവയും നിതീഷ് കുമാര് ലഭിച്ചു.ഉപമുഖ്യമന്ത്രി തേജസ്വി പ്രസാദ് യാദവിന് ആരോഗ്യം, റോഡ് നിര്മാണം, നഗര ഭവന വികസനം, ഗ്രാമീണ പ്രവര്ത്തനങ്ങള് തുടങ്ങിയ സുപ്രധാന വകുപ്പുകള് ലഭിച്ചു.തേജസ്വി യാദവിന്റെ മൂത്ത സഹോദരന് തേജ് പ്രതാപ് യാദവിന് പരിസ്ഥിതി, വനം, കാലാവസ്ഥാ വ്യതിയാനം എന്നീ വകുപ്പുകള് നല്കി.
മുഖ്യമന്ത്രിക്കും ഉപമുഖ്യമന്ത്രിക്കും പുറമെ വിജയ് കുമാര് ചൗധരിക്കും (ധനകാര്യം, വാണിജ്യ നികുതി, പാര്ലമെന്ററി കാര്യങ്ങള്), ബിജേന്ദ്ര യാദവ് (ഊര്ജ്ജം, ആസൂത്രണം, വികസനം) എന്നിവര്ക്ക് മാത്രമേ ഒന്നിലധികം വകുപ്പുകള് ലഭിച്ചിട്ടുള്ളൂ.
