അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.
ലണ്ടന്: കൊവിഡ് വേരിയന്റായ ഒമിക്രോണിനുള്ള വാക്സിന് അനുമതി നല്കുന്ന ആദ്യ രാജ്യമായി മാറി ബ്രിട്ടണ്. ‘ബൈവാലന്റ്’ വാക്സിന് യുകെ മെഡിസിന് റെഗുലേറ്റര് (എംഎച്ച്ആര്എ) അംഗീകരിച്ചതായി റോയിട്ടേഴ്സ് റിപ്പോര്ട്ട് ചെയ്തു. മുതിര്ന്നവര്ക്കുള്ള ബൂസ്റ്റര് ഡോസായി മോഡേണ നിര്മ്മിച്ച വാക്സിനാണ് ബൈവാലന്റ്.
പ്രായപൂർത്തിയായവർക്ക് വേണ്ടിയുള്ള വാക്സിനാണിതെന്ന് റോയിട്ടേഴ്സ് റിപ്പോർട്ട് ചെയ്യുന്നു. ഒമിക്റോണിനും (ബിഎ.1) ഒറിജിനൽ- 2020 വൈറസിനുമെതിരെ ഈ വാക്സിൻ ശക്തമായ രോഗപ്രതിരോധ പ്രതികരണം ഉണ്ടാക്കിയതായി കാണിക്കുന്ന ക്ലിനിക്കൽ ട്രയൽ ഡാറ്റയെ അടിസ്ഥാനമാക്കിയാണ് ഏജൻസിയുടെ തീരുമാനം.
നിലവിൽ പ്രബലമായ ഒമിക്രോൺ ഉപ-വകഭേദങ്ങളായ ബിഎ.4, ബിഎ.5 എന്നിവയ്ക്കെതിരെ ഈ വാക്സിൻ മികച്ച രോഗപ്രതിരോധ പ്രതികരണം ഉണ്ടാക്കുന്നതായി കണ്ടെത്തിയെന്ന ഒരു വിശകലനവും യുകെ മെഡിസിൻ റെഗുലേറ്റർ ഉദ്ധരിച്ചു.
ലോകത്ത് ആദ്യത്തെ ഒമിക്രോണ് മരണം റിപ്പോര്ട്ട് ചെയ്ത രാജ്യം കൂടിയാണ് ബ്രിട്ടണ്. പ്രധാനമന്ത്രി ബോറിസ് ജോണ്സണ് ഇത് സംബന്ധിച്ച് ഔദ്യോഗിക പ്രഖ്യാപനം നടത്തിയിരുന്നു. ദക്ഷിണാഫ്രിക്കയിലാണ് ലോകത്ത് ആദ്യം കൊവിഡിന്റെ വകഭേദമായ ഒമിക്രോണ് സ്ഥിരീകരിച്ചത്.
